A ummi cazin ah kal

A ummi cazin ah kal

 KHRIHFA NUNNING IN NUNNAK

“Ramdang Pathian Kha Hlonh Dih Hna U”

“Ramdang Pathian Kha Hlonh Dih Hna U”

Siasal bia hlah u timi nawlbia a um rih lo nain Jehovah lawng nih biaknak hmuh awkah aa tlak ti kha Jakob nih a hngalh. (Ex. 20:3-5) Cucaah Jehovah nih Bethel khua ah kir dingin a fial tikah Jakob nih mikip kha an siasal pawl hlonh dih dingin a fial hna. Hupphengtu in an hmanmi hnatonh hna i telin siasal pawl kha Jakob nih a hlonh dih. (Gen. 35:1-4) Jakob tuahsernak nih Jehovah lung a lawmhter tuk lai ti cu a fiang ko.

Tuchan ah zeitindah Jehovah kha lungthin dihlak in kan biak khawh? Siasal asiloah khuachia thiamnak he aa pehtlaimi zeithil paoh kan hrialnak thawngin a si. Mah ah khuachia thiamnak he aa pehtlaimi thil vialte hlonh le nuamhsaihnak ralring tein i thim zong aa tel. Tahchunhnak ah, hitin i hal: ‘Thidawp hmang, mithla asiloah kokek thil a lonhmi kong hna a langhtermi cauk kha ka rel maw asiloah video hna ka zoh maw? Mitleh thiam, khuavang ngei asiloah chiatserhnak ti bantuk kong aa telmi nuamhsaihnak hna kha kaa thim maw?’ Jehovah huatmi zei bantuk thil paoh he hlatpi in kan um zungzal awk a si.—Salm 97:10.

“KHUACHIA KHA DO” TIMI VIDEO KHA ZOH LAW MAH BIAHALNAK HNA HI PHI:

  • Palesa timi nu nih Baibal a cawn tikah zei harnak dah a ton?

  • Khuachia thiamnak he aa pehtlaimi kongkau ah Khrihfa upa bawmhnak hal cu zeicah fim a si?

  • Khuachia kha do law Pathian kha naih.—Jeim 4:7, 8

    Jehovah huhphenhnak hmuh kan duh ahcun zei thil hna dah an hloh a herh?

  • Palesa nih hlangfang tein zeidah a tuah?

  • Na umnak hmun ah khuachia huham hrial khawhnak lam cheukhat cu zei hna dah an si?