A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak le Cawnpiaknak​​—⁠Zultu Siternak ah a Herhmi

Phungchimnak le Cawnpiaknak​​—⁠Zultu Siternak ah a Herhmi

Jesuh nih a zultu hna kha va kal u law zultu ah va ser hna u tiah a fial hna. (Matt. 28:19) Mah ah phungchimnak le cawnpiaknak aa tel. Hitin kan i hal awk a si: ‘A biapimi zultu siternak rian ah zeitindah ka ṭhancho khawh lai?’

PHUNGCHIMNAK

Kan sin ah mi an rat lai kha hngak loin “aa tlakmi” hmuh awkah kanmah tu kan kal awk a si. (Matt. 10:​11, NW) ‘Kan tonmi hna sin’ paohah phungchim dingin caanṭha kan kawl maw? (Lam. 17:​17, NW) Lamkaltu Paul nih teima tein phung a chim caah Lidia cu zultu a hung si.​​—⁠Lam. 16:​13-15.

“Zinglei ah thlaici tuh ko, zanlei zongah ngol hlah” (Pct. 11:⁠6)

‘NGOL LOIN’ PHUNGCHIM ZUNGZAL​​—⁠TONSAPHAK PHUNGCHIMNAK LE INNKHAT HNU INNKHAT PHUNGCHIMNAK TIMI VIDEO KHA ZOH LAW A TANGLEI BIAHALNAK HI PHI:

  • Samuel nih nifate a nunnak ah biatak thlaici vorhnak biapi ah a chiah kha zeitindah a langhter?

  • Phungchimnak rian a phunphun ah zeicah teima tein kan i tel awk a si?

  • Nifatin na nunnak ah ahodah Pennak kong thawngṭha na chimh khawh?

CAWNPIAKNAK

Zultu siternak ah cauk pek lawng si loin kan tuah dingmi tampi a um. Lennolh le Baibal cawnpiaknak kan tuahnak thawngin thlaraulei ṭhancho dingin kan bawmh khawh hna. (1 Kor. 3:​6-9) Pennak kong thawngṭha teima tein kan chim ko nain theipar ṭha tlawmpal lawng a chuah ah tah zeitin? (Matt. 13:​19-22) “Vawlei ṭhatnak hmun” he aa lomi, lungthin ṭha a ngeimi hmuh awkah kan kawl hna awk a si.​​—⁠Matt. 13:23; Lam. 13:⁠48.

“Kei nih a ci ka tuh, Apollo nih a kung kha ti a toih, sihmanhsehlaw a ṭhantertu cu Pathian a si” (1 Kor. 3:⁠6)

‘NGOL LOIN’ PHUNGCHIM ZUNGZAL​​—⁠ZAPI LAK PHUNGCHIMNAK LE ZULTU SITERNAK TIMI VIDEO KHA ZOH LAW A TANGLEI BIAHALNAK HI PHI:

  • Ezekiel le Abigail lungthin chung i biatak thlaici kha Solomon le Mary nih zeitindah ti an toih?

  • Zapi lak phungchimnak i telin phungchim ning tampi lakah zei kha dah kan hmuitinh a si awk a si?

  • Midang biatak cawnpiaknak kha biapi deuh ah zeitindah kan chiah khawh?