A ummi cazin ah kal

A ummi cazin ah kal

 KHRIHFA NUNNING IN NUNNAK

Ralṭhatnak A Ngeihtermi Pennak Hla

Ralṭhatnak A Ngeihtermi Pennak Hla

Paul le Silas nih thong an tlak lioah Pathian thangṭhatnak hla an rak sak. (Lam. 16:25)Nazi Germany chan lio i Sachsenhausen hremnak thonginn ah an um lio le Siberia ah ṭhawl an si lioah unau hna nih Pennak Hla an rak sak. Mah hla hna nih harnak a tongmi Khrihfa hna kha ralṭhatnak a ngeihter hna ti kha mah hmuhtonnak nih a langhter.

A rauhhlan ah Jehovah sinah “Lunglawmhnak” Hla Sa U timi hla thar kha holh cheukhat in hmuh khawh a si cang lai. Cauk kan hmuhle cangka in hla biafang hna kha kan i cinken khawh nakhnga chungkhar pumhnak ah kan cawn khawh. (Efe. 5:19) Harnak kan ton tikah mah hla hna hngalh ṭhan khawh awkah thiang thlarau nih a kan bawmh lai. Pennak hla hna nih kan i ruahchanmi kha biapi ah chiah peng awkah a kan bawmh khawh. Harnak kan ton tikah thazaang a kan ngeihter khawh. Kan i nuamh caan ah thazaang a pemi mah hla biafang hna nih Jehovah sinah “lunglawmhnak” he hla sak dingin a kan bawmh lai. (1 Chan. 15:16; Salm 33:1-3) Pennak hla hna kha a ṭha bikin hmang hna u sih.

THAZAANG A NGEIHTERMI HLA FUNGKHAT TIMI VIDEO KHA ZOH LAW A TANGLEI I BIAHALNAK HNA HI PHI:

  • Zei thil sining nih dah Unaupa Frost kha hla ṭial awkah a forh?

  • Sachsenhausen hremnak thonginn ah a ummi unaupa hna kha mah hla nih zeitindah thazaang a pek hna?

  • Nifa tonmi zei bantuk thil sining ah dah Pennak hla hna nih thazaang aan ngeihter?

  • Zei Pennak hla kha dah i cinken na duh?