A ummi cazin ah kal

A ummi cazin ah kal

 KHRIHFA NUNNING IN NUNNAK

A Cawlcang ti Lomi Hna kha Thazaang Na Pek Khawh Hna

A Cawlcang ti Lomi Hna kha Thazaang Na Pek Khawh Hna

April 11, Ruahnolhnak Puai ah a cawlcang ti lomi tampi cu an rak i pum lai. An lak i cheukhat cu Jehovah Sinah Kir Ṭhan timi brochure ah a langhter bantukin a hmasa ahcun nunnak tlik zuamnak ah an tli ko nain a kong a phunphun ruangah an tlik a hung nuarmi an si. (Heb. 12:1) A cawlcang ti lomi hna zong a Fapa thisen in cawkmi an si ve i Jehovah caah a sunglawimi an si rih. (Lam. 20:28; 1 Pet. 1:18, 19) Khrihfabu ah an kir ṭhan nakhnga zeitindah kan bawmh khawh hna?

Tuukhal nih tuurun chungin a tlaumi tuu kha teima tein a kawl hna bantukin Khrihfa upa hna zong nih a cawlcang ti lomi hna kha bawmh awkah an kawl ve hna. (Luk. 15:4-7) Mah nih Jehovah dawtnak kha a langhter. (Jer. 23:3, 4) Khrihfa upa lawng si loin kan dihlak nih a cawlcang ti lomi hna kha thazaang kan pek khawh hna. Zaangfahnak le zawnruahnak kan langhtermi kha Jehovah nih a duhmi a si i thluahchuah a kan pek lai. (Ptb. 19:17; Lam. 20:35) Cucaah ahodah thazaang ka pek khawh lai ti kha ruat law tuah colh.

A CAWLCANG TI LOMI HNA KHA THAZAANG PE HNA TIMI VIDEO KHA ZOH LAW A TANGLEI I BIAHALNAK HNA HI I RUAHṬI U:

  • Unaunu Abbey nih a cawlcang ti lomi Jehovah Tehte pakhat a hmuh tikah zeidah a tuah hmasa bik?

  • A cawlcang ti lomi pakhatkhat bawmh awk ruahnak kan ngeih ahcun Khrihfa upa hna kha zeicah kan chimh hna awk a si?

  • Unaunu Abbey nih Laura sin a voihnihnak va len ṭhan awkah zeitindah aa timhtuah?

  • Abbey nih Laura thapek awk aa zuam lioah lungdong loin le lungsau tein zeitindah dawtnak a rak langhter?

  • Luka 15:8-10 chung i Jesuh bianabia in zeidah kan i cawn khawh?

  • Laura kha an bawmh caah zei thluachuah dah an hmuh?