A ummi cazin ah kal

Vawlei Uktu Taktak hi Ahodah a Si?

Vawlei Uktu Taktak hi Ahodah a Si?

Zeitindah na ruah . . .

  • Pathian maw?

  • minung maw?

  • asiloah Satan dah?

 BAIBAL CHIMMI

“Vawlei hi a pumpi in mi ṭhalopa kuttangah a um.”—1 Johan 5:19.

“Pathian Fapa a hung langhnak cu Khuachia rianṭuannak hrawh awkah hin a si.”—1 Johan 3:8.

MAH IN ZEI ṬHATNAK DAH NA HMUH KHAWH?

Vawleicung buaibainak kong he aa tlai in aa tlakmi fianternak.—Biathlam 12:12.

Vawlei thil sining hna hi a ṭha deuh cang lai timi zumh khawhnak. —1 Johan 2:17.

 BAIBAL CHIMMI KAN ZUMH KHAWH

Zumh khawh a sinak a ruang pathum a um:

  • Satan uknak hrawh a si cang lai. Jehovah Pathian nih minung cung i Satan uknak hrawh a si lainak caan kha ri a khiah cang. “Khuachia kha . . . a hrawh” lai i amah ruangah a chuakmi harnak vialte kha ka donghter dih lai tiah Pathian nih bia a kan kamh. —Hebru 2:14.

  • Vawlei uk awkah Pathian nih Jesuh Khrih kha a thim cang. Jesuh cu a puarhrang i mah zawn lawng aa ruatmi atu lio vawlei uktu hna bantuk a si lo. Siangpahrang a simi Jesuh he aa tlai in Pathian nih hitin bia a kan kamh: “A dermi le sifakmi cungah zaangfahnak a ngei . . . Hremnak chung le serhsatnak chungin a khamh hna.” —Salm 72:13, 14.

  • Pathian nih lih a chim bal lo. “Pathian nih a lih a chim kho lo” tiah Baibal ah fiang tein aa ṭial. (Hebru 6:18) Jehovah Pathian nih pakhatkhat kaan tuahpiak hna lai tiah bia a kan kamh tikah mah kha a tuah cangmi bantuk in a hmuh. (Isaiah 55:10, 11) “Atu cu hi vawlei uktu hi tei a si cang lai.” —Johan 12:31.

 MAH HI RUATHMANH

Vawlei uktu kha hrawh a si tikah vawlei cu zeitindah a si lai?

Mah biahalnak i Baibal a phi kha SALM 37:10, 11 le BIATHLAM 21:3, 4 ah zoh.