A ummi cazin ah kal

A ummi cazin ah kal

 CAWN DINGMI 10

Aw Thlennak

Aw Thlennak

Matthai 20:31

A TAWINAK: Aw a din a than, a niam a san le a nuarh a ran ti bantuk thlennak thawngin a konglam kha hngalh duh awk siter.

TUAH KHAWH NING:

  • Aw a din a than kha thleng. A biapimi a kong pawl langhter awk le a ngaitu pawl forhfial awkah aw thangpi in chim. Baibal in biaceihnak kong na rel tikah thangpi in rel. Hngalh an duh nakhnga asiloah ṭih a nungmi kong le lungretheihnak kong na chim tikah na aw kha dinter.

  • Aw a niam a san kha thleng. Nan holh ah aa tlakmi a si ahcun lungthawhnak langhter awk asiloah a hmet a ngan, a hlat a naih ti bantuk langhter awkah na aw kha santer. Ngaihchiatnak asiloah lungretheihnak kong langhter awkah na aw kha niamter.

  • Aw a nuarh a ran kha thleng. Lung cawlcanghnak kha rang tein bia na chimnak thawngin na langhter khawh. A biapimi a kong pawl kha nuar deuh in na chim khawh.