A ummi cazin ah kal

A ummi cazin ah kal

 ṬHEN 9

Vawlei cu Zeitikah dah Paradis ah a Can lai?

Vawlei cu Zeitikah dah Paradis ah a Can lai?

Sifah harnak nih Pathian Pennak a ra cang lai ti kha a langhter. Luka 21:10, 11; 2 Timote 3:1-5

Baibal nih tuchan ah a tling hngami thil tampi kong a rak chimchung. Mi cu tangka a duh tukmi, nulepa nawl a ngai lomi, a puarhrangmi le nuamhnak a duh tukmi an si lai tiah a chimchung.

A fakmi lihnin, raltuknak, mangṭam le zawtfahnak a tam lai tiah a chimchung. Mah hna cu atu ah a tling cang.

Cun Pennak kong thawngṭha cu vawleicung khuazakip ah chim a si lai ti zong in Jesuh nih a rak chimchung.​—Matthai 24:14.

 Pathian Pennak nih ṭhatlonak vialte a hrawh dih lai. 2 Peter 3:13

Jehovah nih a rauhhlan ah ṭhatlonak vialte a hrawh dih lai.

Satan le khuachia pawl zong dan a tat hna lai.

Pathian bia a ngaimi hna cu an luat lai i dinnak a umnak vawlei ah an nung lai, ṭihnak a um ti lai lo, mi cu pakhat le pakhat an i zum lai i an i daw lai.