A ummi cazin ah kal

A ummi cazin ah kal

 ṬHEN 8

Jesuh Thihnak cu Na caah Zei Sullam dah a Ngeih?

Jesuh Thihnak cu Na caah Zei Sullam dah a Ngeih?

Jesuh thihnak thawngin zungzal nunnak kan hmu lai. Johan 3:16

Jesuh a thih hnu nithumnak ni ah nu pawl cu thlan ah an va kal. Asinain thlan chungah Jesuh ruak an hmu lo. Jehovah nih Jesuh kha thihnak in a rak thawhter cang.

Mah hnuah Jesuh cu a zultu pawl sinah a lang.

Jehovah nih Jesuh cu a ṭhawngmi le a thi kho lomi thlarau pum in a thawhter. Jesuh van a kai lio kha a zultu pawl nih an hmuh.

 Pathian nih Jesuh kha a thawhter i Siangpahrang a ṭuanter. Daniel 7:13, 14

Jesuh nih minung tlanhnak caah a nunnak a pek. (Matthai 20:28) Mah tlanhnak man thawngin Pathian nih zungzal nunnak a kan pek.

Jehovah nih Jesuh cu vawlei uktu Siangpahrang ah a ser. Jesuh he van ah uktu rian ṭuanṭi awkah vawlei in zumhawk a tlakmi 144,000 cu thim an si, annih cu an thih hnuah van ah an kai lai.​—Biathlam 14:​1-3.

Pathian Pennak nih vawlei hi paradis ah a canter lai. Raltuknak, sualnak, sifahnak le mangṭam a um ti lai lo. Mi cu an i nuam tuk cang lai.​—Salm 145:16.