A ummi cazin ah kal

A ummi cazin ah kal

 ṬHEN 8

Kan i Pumh Tikah Zeicah Thianghlim tein Kan i Hrukaih awk a si?

Kan i Pumh Tikah Zeicah Thianghlim tein Kan i Hrukaih awk a si?

Iceland

Mexico

Guinea-Bissau

Philippines

Mah brochure hmanthlak na zoh tikah Jehovah Tehte Hna cu an i pumhnak ah thianghlim tein an i hrukaih ti kha na hmuh ko lai. Zeicah cutin thianghlim tein kan i hrukaih?

Pathian kan upat langhter kan duh caah a si. Pathian nih kan i hrukaih ning nakin kan chunglei tu kha biapi deuh ah a chiah ti cu a hmaan ko. (1 Samuel 16:7) Asinain Pathian biak awk i kan i pumh tikah, amah le zumtu khat pawl kan upat hna kha langhter kan duh. Biaceihnak zung kan kal tikah biaceihtu i a reng kha kan upat caah ṭha tein thilpuan kan i hrukaih ko lai. Cu bantukin, kannih zong kan i pumh tikah “vawleicung dihlak bia a ceihtu,” Jehovah Pathian le amah biaknak hmun kha kan upat caah ṭha tein thilpuan kan i hrukaih ve.—Genesis 18:25

Kan zulhmi phunglam langhter kan duh caah a si. Baibal nih Khrihfa pawl kha ‘a za tawk le aa dawh tawk in i thuamh’ awkah a forh hna. (1 Timote 2:9, 10) ‘A za tawk’ in aa hrukaihmi nih cun nupa sual duhnak lungthin a chuahtermi thilpuan, a bak tukmi thilpuan le hawi hlei in lang ning ti phun in thil aa hruk lai lo. “Aa dawh tawk” in aa hrukaihmi zong nih tlanelnual in thil kha aa hruk lai lo i a fual tukmi le a tawi tukmi zong aa hruk lai lo. Cu bantuk phunglam a um ko nain duhmi thilpuan i thim awk phun tampi a um rih ko. Aa dawhtlakmi thil kan i hrukaihmi nih ‘a kan Khamhtu Pathian kha a thang a ṭhatter’ i midang zong Pathian “thangṭhat” awkah a bawmh hna. (Titas 2:10; 1 Piter 2:12) Pumhnak ah thianghlim tein kan i hrukaihmi nih midang kha Jehovah biak duh awkah an lung a thawhter khawh.

Na thilpuan hrukaih ning ruangah pumh loin um hlah. Aa dawhtlakmi, a thiangmi le zohremmi thilpuan ti tikah a man a fakmi le chanthar thil si a hau tinak a si lo.

  • Pathian kan biaknak ah kan i hrukaih ning hi zeicah a biapit?

  • Hrukaih ning le ṭamh ning kan i thim tikah zei phunglam dah kan zulh awk a si?