A ummi cazin ah kal

A ummi cazin ah kal

Tuanbia 100: Jesuh Dum Chung Ah

Tuanbia 100: Jesuh Dum Chung Ah

Atu cu ni hnih hnu cacawn nili ni ah a si. Jesuh le a lamkaltu 12 hna cu Lanhtak Puai ei awk ah hi cung dot khaan kaupi chung ah an hung phan. Khi ka i a chuak lio mipa nan hmuhmi cu Judas Iskariot a si. Amah cu Jesuh an tlaih khawh nak hnga chimh awk ah tlangbawi hna sin i a kal lio a si.

Cu hlan nikhat ah Judas cu an sin ah a kal i: ‘Jesuh kan tlaihter hna ahcun zeidah nan ka pek lai?’ tiah a hal hna. Annih nih: ‘Ngun tangka phar sawmthum,’ an ti. Cucaah Judas cu atu ah khi mi hna sin ah Jesuh sin i a hruai khawh nak hnga a kal. Cucu tuksapur thil a si lo maw?

Lanhtak Puai cu a dih. Sihmanhsehlaw Jesuh nih a dang rawl danghnak puai a thokpi ṭhan hna. Alamkaltu pawl kha changreu tlangkhat a chanh hna i: ‘Ei tuah u, zeicahtiah hi cu nanmah caah ka pek lai mi ka pum a si,’ a ti hna. Cun mitsur hang hrai kha a chanh ṭhan hna i: ‘Ding tuah u zeicahtiah hi cu nanmah ca i ka thlet hnga mi ka thi a si,’ a ti hna. Hi cu Baibal nih ‘Bawipa zanriah,’ tiah a ti.

Judas nih Jesuh a rawi lio

Israel mi hna nih Lanhtak Puai rawl cu Pathian vancungmi nih Izipt ram ah an inn hna kha a ‘lanh tak’ i, Izipt mi hna inn ah fater vialte a rak thah lio hna philhlonak caah an ei tawn. Sihmanhsehlaw atu cu a zultu hna kha amah le an ca i a nunnak a peknak kha hngal zungzal hna seh ti a duh. Cucaah kum fate hi a bik in zanriah einak puai cu tuah lengmang awk ah a chimh hna.

Bawipa zanriah cu an ei dih hnu ah, Jesuh nih a lamkaltu hna cu zumhnak lei ah ralṭhat awk le ṭhawn awk ah a chimh fawn hna. A donghnak ah Pathian thangṭhatnak hla an sak i an chuak. Atu cu khua a tlai i, zantim hrawng a si cang. Khoikadah an kal zoh u sih.

Matthai 26:14-30; Luka 22:1-39; Johan a ngan 13 in 17; 1 Korin 11: 20.



Biahalnak hna

  • Cungdot khaan in an chuah hnuah Jesuh le a lamkaltu pawl cu khuazei ah dah an kal i annih kha zei tuah awk dah a chimh hna?
  • Jesuh nih a lamkaltu pawl an umnak lei a kir tikah zeidah a hmuh i voi zeizatdah mahticun an um?
  • Hmanthlak ah kan hmuh bantukin dum chungah a lutmi hi ahote dah an si i Judah Iskariot nih zeidah a tuah?
  • Zeicah Judas nih Jesuh kha a hnamh i Piter nih zeidah a tuah?
  • Jesuh nih Piter kha zeidah a chimh, sihmanhsehlaw Jesuh nih vancungmi pawl kha run thlah awkah zeicah Pathian kha a hal lo?

Biahalnak dang hna

  • Matthai 26:36-56 rel.

    Jesuh nih a zultu pawl a cawnpiak hna ning cu Khrihfa upa hna caah zeitindah zohchunh awk ṭha a si? (Matt. 20:25-28; 26:40, 41; Gal. 5:17; Efe. 4:29, 31, 32)

    Jesuh nih minung hawi dohnak caah hriamnam hman kha zeitindah a hmuh? (Matt. 26:52; Luka 6:27, 28; Johan 18:36)

  • Luka 22:39-53 rel.

    Gethsemane dum ah vancungmi a hung lang i Jesuh kha tha a rak pek tikah mah nih khan Jesuh a zumhnak a der ti a langhter duhmi a si maw? Fianter.(Luka 22:41-43; Isa. 49:8; Matt. 4:10, 11; Heb. 5:7)

  • Johan 18:1-12 rel.

    Jesuh nih a ral hna kut in a zultu pawl kha zeitindah a huhphenh hna i mah zohchunh awk in zeidah kan i cawn khawh? (Johan 10:11, 12; 18:1, 6-9; Heb. 13:6; Jeim 2:25)