A ummi cazin ah kal

A ummi cazin ah kal

Ṭhen 3: Izipt Ram in an Luatnak in Israel Siangpahrang Hmasa bik Chan tiang

Ṭhen 3: Izipt Ram in an Luatnak in Israel Siangpahrang Hmasa bik Chan tiang

Moses nih Israel mi hna cu Izipt ram i sal cannak in Sinai tlang lei ah a rak hruai hna. Cuka ah cun Pathian nih annih cu nawlbia a rak pek hna. Cu hnu ah Moses nih minung 12 kha Kanaan ram cu va hlat hlai awk ah a rak thlah hna. Sihmanhsehlaw mi 10 nih cun thawngpang chia he an rak kir. Mi vialte kha Izipt ram ah kir an rak duhter hna. Cubantuk in zumhnak an rak ngeih lo ruang ah, Pathian nih Israel mi hna cu kum 40 chung ramcar chung i vaihnak in dan a rak tat hna.

A donghnak ah Israel mi hna cu Kanaan ram lei i a hruaitu ding hna ah Joshua kha thim a rak si. Ram cu an lak khawh nak ding ah Jehovah nih khuaruahhar awk tlak thil tampi a rak langhter. Jordan tiva kha luan lo in a rak ngolter, Jeriko khua ralhau a tlukter i, nikhat chung pumpaluk ni a rak dirter. Kum ruk hnu ah ram cu Kanaan mi hna sin in an rak lak dih.

Joshua in aa thok i Israel miphun cu kum 356 chung biaceihtu hna nih an rak uk hna. Barak, Gideon, Jefthah, Samson le Samuel te hna he biaceihtu tampi kong kan hngalh hna. Rahab, Deborah, Jael, Ruth, Naomi le Delilah ti mi nu pawl an kong zong kan rel khawh. A zapi tein hi ṬHEN THUMNAK nih hin kum 396 chung tuanbia a khuh dih.

Puan biakinn