A ummi cazin ah kal

A ummi cazin ah kal

Ṭhen 1: Sernak in Buanchukcho tiang

Ṭhen 1: Sernak in Buanchukcho tiang

Van le vawlei cu khuazei in dah an rat? Zeitindah nika, thlapa le arfi hna le vawlei cung i thil vialte zong hi an chuah? Pathian nih a ser hna caah a si tiah Baibal nih a lehnak a pekmi cu a hmaanmi a si ko. Cucaah hi kan cauk cu sernak kong Baibal tuanbia in a hram aa thok.

Pathian nih a ser hmasa bik mi hna cu amah bantuk a simi thlarau minung an si a ti. Annih cu vancungmi an si. Asinain vawlei cu kanmah bantuk minung caah ser a rak si. Cucaah Adam le Evi tiah timi mipa le minu kha Pathian nih a rak ser hna i aa dawh ngaingaimi dum pakhat chung ah a rak chiah hna. Sihmanhsehlaw annih cu Pathian bia kha an rak ngaih lo caah nunnak nawl kha an rak sung.

Adam sernak thok in Buanchukcho tiang ah, a zapi kum 1,656 a rak si. Cu caan chung ah cun mi ṭhalo tampi an rak um. Van ah cun mit in hmuh khawh lo mi thlarau minung, Seitan le a vancungmi an rak um. Vawlei cung ah cun Kain bantuk mi ṭhalo tampi le minung sawhsawh nakin a ṭhawng deuh mi hna zong an rak um ve. Asinain Abel, Enok le Noah ti bantuk miṭha zong an rak um. ṬHEN KHATNAK ah cun hi mi hna le hi thil hna kong hi kan rel khawh lai.

Eden dum chung i saram pawl