A ummi cazin ah kal

A ummi cazin ah kal

 BIAHALNAK 6

Baibal Nih Messiah Asiloah Khrih Kong He Aa Tlaiin Zeidah A Chimchung?

Baibal Nih Messiah Asiloah Khrih Kong He Aa Tlaiin Zeidah A Chimchung?

CHIMCHUNGBIA

“Bethlehem Efrath, . . . Nangmah chungin Israel uktu a chuak lai.”

Mikah 5:2

A TLINNAK

“Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ahcun arfi zohthiammi hna kha nichuahlei in Jerusalem khua ah khan an ra.”

Matthai 2:1

CHIMCHUNGBIA

“Ka hnipuan kha an i phaw i ka puan caah khan voihfung an zuh.”

Salm 22:18

A TLINNAK

“Ralkap nih Jesuh kha vailam i an khenhchih dih in, a hnipuan kha an i lak i ralkap pakhat nih pakhat cio ting dingin ṭhen li ah an ṭhen hna. Cun a angki cu hliah ngei loin tahmi a si i cu zong cu an i lak. Ralkap nih cun: ‘Hi hi cu thlek hlah u sih, camcawhfung tu in zuk u sih,’ tiah an i ti.”

Johan 19:23, 24

 CHIMCHUNGBIA

“BAWIPA nih him tein a zohkhenh i a ruh pakhat hmanh a kiak lo.”

Salm 34:20

A TLINNAK

“Jesuh sin an phak tikah cun a rak thih cang kha an hmuh i cucaah a ke ruh kha an deng hna lo.”

Johan 19:33

CHIMCHUNGBIA

“Hma a inmi cu kan sual ruangah a rak si.”

Isaiah 53:5

A TLINNAK

“Ralkap pakhat nih a hnak kha fei in a hun chunh i thi le ti kha an chuak.”

Johan 19:34

CHIMCHUNGBIA

“Cun ka rianṭuan man kha an thlai i ngun phar sawmthum a si.”

Zekhariah 11:12, 13

A TLINNAK

“Cun zultu pahleihnih lak i pakhat, Judas Iskariot timi kha, tlangbawi upa pawl sinah khan a va kal i “Jesuh cu nan kut chung i kan chanh hna ahcun zeidah nan ka pek lai?” tiah a va ti hna. Cucaah ngun tangka sawmthum kha an rel an rel i an pek.”

Matthai 26:14, 15; 27:5