A ummi cazin ah kal

A ummi cazin ah kal

 BIAHALNAK 7

Baibal Nih Tuchan Kong He Aa Tlaiin Zeidah A Chimchung?

Baibal Nih Tuchan Kong He Aa Tlaiin Zeidah A Chimchung?

“Ram khat le ram khat an i do lai, peng khat le peng khat an i tu lai. . . . Hi thil vialte hi nau chuah lai nganfah a hmasa bik bantuk an si.”

Matthai 24:7, 8

“Nal profet tampi an chuak lai i mi tampi an hlen hna lai. Ṭhatlonak kha a karh tuk lai caah mi tampi cu an dawtnak kha a kik lai.”

Matthai 24:11, 12

“Lamnai i raltuknak thawng nan theih ah siseh, lamhla i nan theih ah siseh, nan awlokchong hlah u. Cubantuk cu a um awk a si ko, sihmanhsehlaw a donghnak a phan cang, tinak a si lo.”

Marka 13:7

“Hmun kip ah ṭih a nungmi lihnin le mangṭam le ngal-eu zawtnak a tlung lai; thil ṭihnung kha an um lai i van in hmelchunhnak ngan pipi an lang lai.”

Luka 21:11

 “Ni hmanung bik kha an phak tikah harnak caan a si lai ti kha philhhlah. Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zomhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai; zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai; hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nomhnak kha an duh deuh lai; kan biaknak phung hi a lenglei in an i tlaih, sihmanhsehlaw a chung i a ummi ṭhawnnak taktak kha cu an duh lai lo.”

2 Timote 3:1-5