A ummi cazin ah kal

Jehovah Tehte Hna nih An Zumhnak Cheukhat kha Zeicah An Thlen?

Jehovah Tehte Hna nih An Zumhnak Cheukhat kha Zeicah An Thlen?

Jehovah Tehte Hna nih kan zumhnak ah nawlngeitu in Baibal lawng kha kan hman, cucaah Baibal hngalhthiamnak a hun fian deuh tikah kan zumhnak kha kan thlen. *

Mah bantuk thlennak hna cu Phungthlukbia 4:​18 ah a chimmi Baibal phunglam he aa tlak. Hitin a ti: “Miding mi hna lam cu zingka ceunak, chun laicer tiangin a ceu chin lengmangmi bantuk a si.” Ni cu duhsah tein a chuah bantukin a caan a cut tikah Pathian nih Baibal biatak kan hngalhthiam ning kha duhsah in a ṭhanchoter. (1 Peter 1:​10-​12) Baibal nih a chimchung bantukin “donghnak caan” ah kan hngalhthiam ning kha Pathian nih a ṭhanchoter chin.​—Daniel 12:4.

Kan hngalhthiam ning aa thlen ruangah kan khuaruah a har awk a si lo i dawnkhantu zong in kan hmuh awk a si lo. Hlanlio Pathian a biami hna zong nih an ruahnak a palh tikah an hmuhnak kha an rak thlen.

Pathian nih an hngalhthiam ning a rak remhpiak hna bantukin a kan remhpiak ve lai ti kha kan zumh.​—Jeim 1:5.

^ cat. 2 Baibal hngalhthiam ning thlenmi hna kha kan thup lo. Mah canah thlennak hna kha kan ṭial i kan chuah. Tahchunhnak ah, internet ah a ummi “Zumhnak Fianternak” timi kha zoh.