A ummi cazin ah kal

Jehovah Tehte Hna He Baibal Ka Cawnṭi Ahcun Jehovah Tehte Pakhat Ka Si Lai Tinak A Si Maw?

Jehovah Tehte Hna He Baibal Ka Cawnṭi Ahcun Jehovah Tehte Pakhat Ka Si Lai Tinak A Si Maw?

A si lo, cutin tuah a hau lo. Mi nuai tampi cu kan Khrihfabu ah an rak lut lo nain kanmah he lunglawm tein Baibal an cawngṭi. * Mah program i aa tinhnak cu Baibal cawnpiakmi hmuhsak awkah a si. Na hngalhmi cungah i hngat in biakhiahnak tuah cu nangmah nawl a si. Zumhnak cu mah tein i thim ding a si ti kha kan hngalh.​—Joshua 24:15.

Baibal hlathlainak tuah lioah ka Baibal hman khawh a si maw?

A si. Chanthar-holh in lehmi Vawlei Thar Lehnak Baibal (New World Translation of the Holy Scriptures) kha kan hman, na duh ahcun man loin ukkhat kan in pek lai. Asinain nangmah Baibal hman na duh ahcun na hman khawh ko. Baibal lehnak tampi in Baibal ruahchannak le luatnak kong kha na cawn khawh.

Nan zumhnak aa lo, lomi hna he zeicah Baibal nan cawnṭi?

  • Khrihfa hna nih kan hngalhmi kong midang chim ve hna seh ti a duhmi Jehovah Pathian kan dawtnak nih cutin tuah awkah a kan forh. (Matthai 22:37, 38; 28:19, 20) Mi nih Pathian Bia an hngalh nakhnga bawmhnak ah Pathian he “hmunkhat ah rian a ṭuanṭimi” sinak tinvo kan hmuhmi cu a sunglawi bikmi a si.​—1 Korin 3:​6-9.

  • Innpa kan dawtnak zong nih cutin tuah awkah a kan forh. (Matthai 22:39) Kan hngalhmi khuaruahhar thil kong midang sin chimnak in lunglawmhnak tampi kan hmu.​—Lamkaltu 20:35.

^ cat. 2 2019 lioah thlakhat ah Baibal cawnpiaknak 9,618,182 kan tuah. Baibal cawnpiaknak pakhat ah mi pakhatnak tam an i tel. Asinain mah kum chungah 303,866 lawng Jehovah Tehte si awkah tipil an ing.