A ummi cazin ah kal

A pahnihnak menuah kal

Jehovah Tehte Hna

Chin (Hakha)

Jehovah Tehte Hna nih Jesuh An Zum Maw?

Jehovah Tehte Hna nih Jesuh An Zum Maw?

Kan zumh. “Lam le biatak le nunnak cu keimah hi ka si; keimah sinin ti dah lo cun ahohmanh Pa sin an phan kho lo” tiah a chimtu Jesuh kha kan zumh. (Johan 14:6) Jesuh cu van in vawlei ah a ra i kanmah tlanhnak caah a tlingmi a nunnak a pek ti kha kan zumh. (Matthai 20:28) A thihnak le a thawh ṭhannak nih amah an zumh a langhtermi hna kha zungzal nunnak a hmuhter hna lai. (Johan 3:16) A rauh hlan ah vawlei pumpi daihnak a umter hngami, vancung Pathian Pennak ah Jesuh cu Siangpahrang a ṭuan cang ti zong kan zumh. (Biathlam 11:15) Cun Jesuh nih “[ka Pa] cu keimah nakin a ngan deuh” tiah a timi bia zong kha kan zumh. (Johan 14:28) Jesuh cu Lianngan Bik Pathian a si lo caah kan bia lo.