A ummi cazin ah kal

Jehovah Tehte Hna nih Baisakup, Cauk asiloah Hla ti bantuk An Khammi a um Maw?

Jehovah Tehte Hna nih Baisakup, Cauk asiloah Hla ti bantuk An Khammi a um Maw?

A um lo. Kan bupi nih baisakup, cauk asiloah hla pawl kha nan hrial hna lai tiah bu chungmi hna caah an chuahmi phunglam a um lo. Zeicah?

Baibal nih a ṭhami le a ṭha lomi hngalh khawh awkah “thleidan khawhnak” kha pakhat cio in hman awkah tha a kan pek.—Hebru 5:14.

Khrihfa a simi nih nuamhsaihnak kan i thim tikah ṭha tein kan ruah awk a simi a hrampi phunglam pawl kha Baibal ah kan hmuh. * Kan i tinhmi cu kan nunnak kip ah ‘Bawipa a lawmhtertu thil kawl i zuam’ kha a si.​—Efesa 5:10.

Chungkhar lu nih chungkhar cungah zeimaw zat tiang nawl a ngei tiah Baibal nih a ti, cucaah nuamhsaihnak cheukhat kha cohlan lo awkah bia a khiah khawh men. (1 Korin 11:3; Efesa 6:1-4) Asinain chungkhar a si lomi Khrihfa unau pawl kha baisikup, cauk le hla cheukhat kha hrial hna u tiah aho hmanh nih tinak nawl an ngei lo.​—Galati 6:5.

^ cat. 4 Tahchunhnak ah, Baibal nih khuachia thiamnak, nupa sualnak le zaangennak pawl tha a pemi zei bantuk thil paoh kha hrial awkah a kan forh.​—Deuteronomi 18:10-13; Efesa 5:3; Kolose 3:8.