A ummi cazin ah kal

Jehovah Tehte Hna nih An I Pumhnak Hmun kha Zeicah Church tiah An Auh Lo?

Jehovah Tehte Hna nih An I Pumhnak Hmun kha Zeicah Church tiah An Auh Lo?

“Church” tiah lehmi Baibal chung i Grik biafang nih i pumhnak inn kha si loin biaknak caah aa pummi phu kha a langhter duhmi a si.

Mah tahchunhnak hi zohhmanh: Lamkaltu Paul nih Rom khua i Khrihfa hna sin a cakuat ah Akuila le Prisila kha salaam a kuat hna, cun hitin a ti: “An inn i aa pummi Church zong salaam ka kuat hna.” (Rom 16:5, Contemporary English Version) Paul nih an i pumhnak inn kha si loin mah inn ah aa pummi minung sinah salaam a kuatmi a si. *

Kan i pumhnak hmun kha church tiah auh loin “Biakinn” tiah kan auh.

Zeicah “Jehovah Tehte Hna I Biakinn” tiah Auh A Si?

  • Mah inn cu hall asiloah pumhnak hmun a si.

  • Baibal ah a langhtermi Pathian, Jehovah biaknak hmun a si, cun Khrihfabu ningin phungchimnak rian ah i tel dingin kan i pumhnak hmun a si.​—Salm 83:18; Isaiah 43:12.

  • Jesuh nih atu le atu a chimmi Pathian Pennak kong cawn awk zongah kan i pum.​—⁠Matthai 6:9, 10; 24:14; Luka 4:43.

Cucaah “Jehovah Tehte Hna I Biakinn” tiah auh a si.

Na pawng ah a ummi Jehovah Tehte Hna I Biakinn ah len dingin kan in sawm. Jehovah Tehte Hna nih pumhnak zeitindah an tuah ti hngalh awkah i pumh ve dingin kan in sawm.

^ cat. 3 Mah he aa lomi langhternak kha 1 Korin 16:19; Kolose 4:15; le Filemon 2 ah kan hmuh khawh.