A ummi cazin ah kal

A ummi cazin ah kal

 HLA 134

Pathian Pekmi Fale

Select an Audio Recording
Pathian Pekmi Fale
ZOH DUHMI PHUN

(Salm 127:3-5)

  1. 1. Pa pakhat le nu pakhat nih

    Fapa le fanu an ngeih hna tikah,

    Zohkhenh awk pekmi an si kha hngal,

    Nanmah nan ta lawng an si lo.

    Nunnak, dawtnak Hrampi a simi;

    Jehovah sin hmuhmi laksawng an si.

    Fale fimnak lam cawnpiak awkah

    Pathian nih nulepa a fial hna.

    (CHORUS)

    A sungmi, zohkhenh ding pek nan si;

    Mansung nunnak, nan kut ah um.

    A ṭha bikmi thil nan pek khawh hna;

    Pathian nawlbia cawnpiak hna u.

  2. 2. Pathian pekmi nawlbia vialte

    Nan lung chungah a um zungzal awk si.

    Mah bia kha nan fale cawnpiak hna;

    Zohkhenh ding cu nan rian a si.

    A zungzal an i cinken awk le

    Zumhtlak si in thluachuah an hmuh nakhnga;

    Lam nan kal, nan ih, nan thawh tik caan,

    Zeitik paohah cawnpiak zungzal hna.

    (CHORUS)

    A sungmi, zohkhenh ding pek nan si;

    Mansung nunnak, nan kut ah um.

    A ṭha bikmi thil nan pek khawh hna;

    Pathian nawlbia cawnpiak hna u.

(Deut. 6:6, 7; Efe. 6:4; 1 Tim. 4:16 zong zoh.)