A ummi cazin ah kal

A ummi cazin ah kal

Nunnak cu Ruahchannak a Um Lomi a Lawh tikah

Nunnak cu Ruahchannak a Um Lomi a Lawh tikah

BUAIBAINAK a um lo ahcun nunnak cu a nuam tuk. Asinain zeibantuk thil sining nih dah nunnak cu ruahchannak a um lomi a lawhter?

Tahchunhnak ah, hurricane thlichia ruangah a ngeihmi thil tampi a sungmi, United States ah a ummi Sally * nih hitin a ti: “Lungretheihnak kha zeiti hmanhin ka ing kho ti lai lo tiah ka ruah. Ni tampi chung inkhawhnak ka ngei ti lo timi ruahnak ka rak ngei.”

Kan nunnak ah kan tonmi a dang harnak cu dawtmi nih thihtaknak a si. Australia ah a ummi Janice nih hitin a ti: “Ka fapa pahnih ningin an ka thihtak tikah ka nunnak cu sullam a ngei ti lo, ruahchannak ka ngei ti lo. Cucaah Pathian kha hitin ka nawl: ‘Ka ngaihchiatnak hi ka ing kho ti lo. Ka thihter ko. Nun ka duh ti lo.’”

A nupi zumhawktlak loin a um tikah Daniel cu a lung a fak tuk. Hitin a ti: “Ka nupi nih ka cungah zumhawktlak loin a ummi kha a ka chimh tikah ka lungthin cu nam in chunh bantuk a si. Mah fahnak kha thla tampi chung ka tuar.”

Mah Vennak Innsang ah harnak kan ton hmanhah nun man a phutnak a ruang kha a langhter lai. Tahchunhnak ah,

Pakhatnak, leiser ral kan ton tikah zeitindah kan tawnghtham khawh?

^ cat. 3 Mah aa pehmi capar ah an min thlen a si.