A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak ah Thiamnak Ṭhanternak—Phungchimnak Caanṭha Hmuh awkah Chawn Hmasa Hna

Phungchimnak ah Thiamnak Ṭhanternak—Phungchimnak Caanṭha Hmuh awkah Chawn Hmasa Hna

Jesuh nih Samaria minu kha a chawnhbiak hmasa caah tonsaphak in phung a chimh khawh. Mising pawl he biaruahnak thawknak ah kan thiamnak kha zeitindah kan ṭhanchoter khawh?

  • Komh a fawimi si. Midang kha chawn hna. Jesuh cu a baa ko nain minu sinah din awk ti a halnak thawngin biaruahnak kha a rak thawk. Cucaah nang zong midang kha chawn hmasa hna. Nikhua kong le atu lioah a cangmi thil kong hna kha chim in na thawk khawh. Hmasa bik hmuitinh cu biaruahnak thawk khawh ding a si caah hngalh a duh hngami zeibantuk kong paoh kha na chim khawh. An in lehrulh lo hmanhah zeihmanh a sunghnak a um lo. Midang sinah biaruahnak thawk khawh dingin i zuam ṭhan. Ralṭhatnak ngeih awkah Jehovah sinah bawmhnak hal.—Neh. 2:4; Lam. 4:29.

  • Thawngṭha chimnak caanṭha hmuh awkah hliphlau tein um, asinain i hnawh hlah. Nan biaruahnak kha ṭhanchoter awkah i zuam. Na hnek ahcun biaruah awkah a har chin lai i nan biaruahnak a cat lai. Thawngṭha chim naa harh ahcun phungchim ding timi tinhnak he si loin biaruahnak kha thawk. [Video 1nak kha piah law i ruahṭi u.]

  • Na zumhnak kong lungtak tein na chimnak thawngin phungchimnak caanṭha na kawl khawh, mah nih a ngaitu kha biahalnak tuah awkah a forh lai. Jesuh chimmi lungthin a lami bia nih minu kha biahalnak tampi tuah awkah a forh. Jesuh nih thawngṭha chim dingin biahram a thawk tikah minu biahalnak kha tlawmte lawng a rak leh. [Video 2nak le video 3nak kha piah law i ruahṭi u.]