A ummi cazin ah kal

A ummi cazin ah kal

 KHRIHFA NUNNING IN NUNNAK

Jehovah Nih A Thiangmi Kha A Dawt Hna

Jehovah Nih A Thiangmi Kha A Dawt Hna

Nulepa tampi nih “Na kut i ṭawl. Na khaan kha thianh law hmunphiak” tiah an fale kha pumsalei thianhhlimhnak he aa tlaiin an cawnpiak tawn hna. Asinain thianhhlimhnak i a hrampi cu a thiangmi kan Pathian kha a si. (Ex. 30:18-20; Deut. 23:14; 2 Kor. 7:1) Kan pum le kan thilri pawl thianghlim tein kan chiahnak thawngin Jehovah kha kan thangṭhat. (1 Pet. 1:14-16) Kan inn le kan pawngkam tah zeitindah kan chiah awk a si? Cheukhat nih lam le pangpar dum ah hmunthur an hlonh, asinain Khrihfa a simi nih cun hi vawlei a thian nakhnga kan si khawh chungin kan i zuam awk a si. (Salm 115:16; Biat. 11:18) Thil hmete a simi muṭhai hawng, hangthlum thawl asiloah cekcek ti bantuk kan hlonh ning nih thianhhlimnak he aa tlaimi kan ziaza kha a langhter. “Zei kan tuahnak hmanhah Pathian sal kan si ti langhter” kha kan duh.—2 Kor. 6:3, 4.

PATHIAN NIH A THIANGMI KHA A DAWT HNA TIMI VIDEO KHA ZOH LAW BIAHALNAK HNA HI PHI:

  • Zei a kong hna nih dah an thilri kha thiang tein a chiahter hna lo?

  • Thianhhlimhnak he aa tlaiin Jehovah hmuhning kha Moses Nawlbia nih zeitindah a langhter?

  • Kan tuahsernak in Jehovah kha zeitindah a thang kan ṭhatter khawh?

Thianhhlimhnak he aa tlaimi Jehovah hmuhning kha ka nunnak ah zeitindah ka langhter khawh?