A ummi cazin ah kal

A ummi cazin ah kal

 KHRIHFA NUNNING IN NUNNAK

Teima tein Baibal A Hlathlaitu Si

Teima tein Baibal A Hlathlaitu Si

Daniel bantukin hneksaknak lakah zumhfek tein um na duh maw? Daniel nih a thukmi chimchungbia hna i tel in Baibal kha teima tein a hlathlai. (Dan. 9:2) Teima tein Baibal hlathlainak nih zumhfek tein um awkah aan bawmh khawh. Zeiti lam in dah? Jehovah biakam cu a tling dih lai ti na zumhnak kha a fehter lai. (Jos. 23:14) Pathian na dawtnak kha a ṭhanter lai i a hmaanmi thil tuah awkah aan forh lai. (Salm 97:10) A si ahcun zeitindah na thawk lai? A tanglei ah ruahnak cheuhnak hna kha langhter a si.

  • Zeidah ka hlathlai lai? Hmaan tein hlathlai dingmi ah Khrihfabu pumhnak ca, i timhchungnak aa tel. Zarh fatin Baibal rel ding na rel tikah na hngalhthiam lomi kong hna kha a caan pe in na hlathlai ahcun ṭhatnak na hmuh lai. Baibal chimchungbia, thiang thlarau nih a chuahtermi sining, Paul khualtlawnnak le Jehovah sermi thil kong hna kha hlathlai awkah mi cheukhat nih an i thim. Baibal he aa tlaimi biahalnak hna a um ahcun mah kha ṭial law a hnuah hlathlai ṭhan.

  • A konglam hna khoika ah dah ka kawl lai? Baibal ah Thuhmi Ro Hmuh awkah A Bawmmi Hriamnam Hna timi video kha zoh. Na ṭhanchonak kha hneksak awkah Daniel dal 7 chung i sahrang hna nih zei vawlei uknak hna dah an aiawh ti kha hlathlai.

  • A caan zeizat dah ka pek lai? Pathian he pehtlaihnak ṭha ngeih awkah hmaan tein hlathlainak tuah a hau. A hramthawk ah hlathlainak kha tawite in na tuah khawh, a hnuah a caan tam deuh pe in na tuah khawh. Hlathlainak tuah cu thuhmi ro kawl bantuk a si, tam deuh na hmuh tikah tam deuh in kawl na duh lai. (Ptb. 2:3-6) Baibal kong hngalh na hun duh deuh lai i hlathlainak kha hmaan tein na tuah khawh lai.—1Pet. 2:2.

DANIEL DAL 7 CHUNG I SAHRANG HNA NIH ZEI UKNAK HNA DAH AN AIAWH?

  • Dan. 7:4

  • Dan. 7:5

  • Dan. 7:6

  • Dan. 7:7

A DANG BIAHALNAK:

Zeitindah Daniel 7:8, 24 cu a tlin?

HLATHLAI CHAP AWK:

Biathlam dal 13nak i sahrang nih zeidah a aiawh?