A ummi cazin ah kal

A ummi cazin ah kal

 BAIBAL AH THUHMI RO HNA | MARKA 9-10

Zumhnak A Fehtermi Langhnak

Zumhnak A Fehtermi Langhnak

9:1-7

Muihmai thlennak langhnak ah ka dawtmi ka Fapa a si tiah vancung a Pa nih a thanhmi kha Jesuh nih a theih tikah zeitindah a um lai ti kha na mitthlam ah cuanter hmanh. Jesuh cu a ton hngami harnak caah inkhawhnak thazaang a ngei lai ti cu a fiang ko. Mah langhnak nih Peter, Jeim le Johan zumhnak kha a fehter chin. Jesuh cu Messiah taktak a si ti zong kha a zumhter chin hna i mah nih Jesuh bia ngaih awkah a forh hna. Kum 32 a rauh hnuah Peter nih a hmuhtonmi kong kha a chim i “profet hna nih an rak chimmi bia” cung a zumhnak zong mah nih a fehter chin tiah a rak ti.—2Pet. 1:16-19.

Lungthawh awk ngai a simi mah langhnak kha kanmah theng nih kan hmu lo, asinain mah kong a tlinnak kha kan thanh. Jesuh cu a ṭhawngmi siangpahrang pakhat a si. A rauhhlan ah Jesuh nih vawlei thar nunnak lam a kan hunpiaknak thawngin “teitu” taktak a si kha a langhter lai.—Biat. 6:2.

Baibal chimchungbia a tlinmi hmuhnak nih na zumhnak kha zeitindah a fehter?