A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak ah Thiamnak Ṭhanternak—Cakuat Ṭialnak

Phungchimnak ah Thiamnak Ṭhanternak—Cakuat Ṭialnak

ZEICAH A BIAPIT: 1 Korin cauk cu lamkaltu Paul nih Khrihfa pawl thapeknak caah a ṭialmi cakuat 14 lakah pakhat a si. Mi pakhat nih cakuat a ṭial tikah biafang pawl kha ṭha tein a thim ahcun cakuat a hmutu nih atu le atu rel a duh ko lai. Rualchan pawl le theihhngalhmi hna sin tehte khaannak ah cakuat ṭial cu a ṭha tukmi lam a si. Pumpak in bia kan ruah khawh lomi hna sin tehte khaannak zongah hmual a ngei tukmi a si. Tahchunhnak ah, mi pakhat cu hngalh duhnak a ngei men ko lai nain inn ah ton a harmi a si men lai. Mi cheukhat cu a sangmi humhimnak a ummi ṭaihkhaan, gate cawngtu a ummi inn asiloah a dang tein a ummi inn ah an um caah an sin phanh a har men lai. A hleiin mising sin cakuat kan ṭial tikah zeidah kan i cinken awk a si?

TUAH KHAWH NING:

  • Chim na duhmi kong kha chim. Cakuat a thawknak ah aho na si kha hngalhternak tuah law cakuat na ṭialnak a ruang kha fiang tein langhter. Khua a ruahtermi biahalnak tuah law kan website kha cherhchan. Online Bible Study Lessons (Hakha holh in a um rih lo) le inn ah Baibal cawnpiaknak program kha chim, asiloah hlathlainak cauk ah a ummi ṭhen cheukhat i biatlangpi hna kha langhter. Pehtlaihnak card, sawmnak asilaoh cazual ti bantuk ca hna kuat chih khawh a si

  • A tawinak in ṭial. Na cakuat cu a sau tuk awk a si lo, asilo ahcun a hmutu nih a rel tikah a ba lai.—Cakuat ṭial ning kha zoh

  • Na cakuat ah a palhnak a um maw, a tluang maw, rel awkah a fawi maw ti hngalh awkah rel ṭhan. Cun na cakuat cu rel a nuammi, hmual a ngeimi le a ṭhami siter. Milubenh kha na cakuat bawm ah benh