A ummi cazin ah kal

A ummi cazin ah kal

 KHRIHFA NUNNING IN NUNNAK

Inkhawhnak He Lungsau Tein Hngak

Inkhawhnak He Lungsau Tein Hngak

Pathian Pennak a rat lai na hngahnak cu a sau cang maw? Harnak lakah inkhawhnak he lungsaunak na langhter maw? (Rom 8:25) Khrihfa cheukhat cu huatnak, hremnak, thongthlaknak asiloah thihnak hmanh an tong. Cheukhat cu zawtnak asiloah kum upat ruangah a chuakmi harnak hna an tong.

Harnak lakah lungsau tein hngah awkah zeinihdah a kan bawmh khawh? Nifatin Baibal rel in ruahnak thawngin kan zumhnak kha kan fehter awk a si. Kan i ruahchannak cungah lungthin kan pek awk a si. (2Kor. 4:16-18; Heb. 12:2) Thiang thlarau hmuh awkah Jehovah sinah thlacam in kan nawl awk a si. (Luk. 11:10, 13; Heb. 5:7) ‘Lungsau thinfual in lawmhnak he inkhawh awkah’ dawtnak a ngeimi Pathian nih a kan bawmh khawh.—Kol. 1:11, NW.

‘INKHAWHNAK HE KAN TLIK AWK A SI’—LAKSAWNG NA HMUH LAI KHA ZUM TIMI VIDEO KHA ZOH LAW BIAHALNAK HNA HI PHI:

  • Kan nunnak ah ‘ruah lopi in’ zei thil dah a cang kho? (Pct. 9:11, 12)

  • Harnak kan ton tikah thlacamnak nih zeitindah a kan bawmh khawh?

  • Jehovah rian ah a hlan bantukin kan i tel khawh tuk ti lo hmanhah atu ah kan tuah khawhmi cungah zeicah lungthin kan pek awk a si?

  • Laksawng cungah na lungthin chia

    Zeinihdah laksawng hmuh ding timi na zumhnak kha a fehter khawh?