A ummi cazin ah kal

A ummi cazin ah kal

 KHRIHFA NUNNING IN NUNNAK

Phungchimnak Ah Thiamnak Ṭhanternak—Sang Ah A Ummi Mi Vialte Sinah Chim

Phungchimnak Ah Thiamnak Ṭhanternak—Sang Ah A Ummi Mi Vialte Sinah Chim

ZEICAH A BIAPIT: Holh phun kip a hmangmi miphun hna nih thawngṭha kha lungtho tein an cohlan lai tiah Zekhariah nih a rak chimchung. (Zek. 8:23) Asinain annih cu aho nih dah a cawnpiak hna lai? (Rom 10:13-15) Sang ah a ummi mi vialte sin thawngṭha chim awkah tinvo sung kan ngei.—od-BU 84 ¶10-11.

TUAH KHAWH NING:

  • I timchung. Holh dang a hmangmi hna he nan i tong bal maw? A fawimi chim ningcang kha cawn awkah JW Language app kha na hman khawh. Asiloah phone le tablet kha hmangin jw.org ah a hmanmi holh in a konglam tam deuh zeitindah hlathlai khawh a si ti kha hmuhsak

  • Hmuhthiam i zuam. Innkhat hnu innkhat phungchim na kal pah in lam ah aa chawkmi sin asiloah mawṭaw a hngakmi hna sin zongah chim khawh i zuam. Zapi lak phungchimnak naa tel tikah an sinah phungchim ding timi naa tinhnak kha philh hlah

  • Hliphlau tein um. Inn ah a um lomi hna sinah len ṭhan khawh awkah i zuam. Nikhat chung i a dang caan asiloah zarh khat chung i a dang ni hna ah len dingin i zuam. Cheukhat inn-ngeitu hna cu ca le telephone in pehtlaihnak tuah a haumi an si men lai. Asiloah lam cung phungchimnak lawngah ton khawhmi an si men lai

  • Lennolh tuah hna. Hngalh duhnak a ngeimi hna kha leng ṭhan colh hna. Holh dang a hmangmi Inn-ngeitu a si ahcun amah holh in a bawm khotu pakhatkhat kha kawlpiak. Amah holh a hmangmi thawngthanhtu he pehtlaihnak an ngeih hlan tiang leng law bawm.—od-BU 94-95 ¶39-40

“VAWLEICUNG KHUAZAKIP AH” PHUNGCHIM U TIMI VIDEO KHA ZOH LAW BIAHALNAK HNA HI PHI:

  • Lamhlat ah a ummi sangah unau hna nih phungchim awkah zeitindah an i timhtuah? (1Kor. 9:22, 23)

  • Zeibantuk harnak dah an tei khawh?

  • Zei thluachuah dah an hmuh?

  • Nan sang ah a ummi vialte sinah phungchim dingin zeitindah naa zuam khawh?