A ummi cazin ah kal

A ummi cazin ah kal

 CAWN DINGMI 8

Cawnpiaktu A Simi Tahchunhnak Hna

Cawnpiaktu A Simi Tahchunhnak Hna

Matthai 13:34, 35

A TAWINAK: A ngaitu hna nih hngalh an duhmi le a biapimi a kong pawl cawnpiak awkah hngalh a fawimi, cawnpiaktu a simi tahchunhnak hna kha hmang law na cawnpiaknak kha ṭhanchoter.

TUAH KHAWH NING:

  • Hngalh a fawimi tahchunhnak kha thim law hmang. Jesuh bantukin thil hmete kha hmang law thil nganpi kong kha fianter, a fawimi a konglam kha hmang law a harmi a konglam kha fianter. Tahchunhnak na hman tikah lung a buaiter khomi a herh lomi a konglam hna kha chap hlah. Na hmanmi tahchunhnak cu na chimmi kong he aa pehtlaimi a si awk a si. Mah nih a ngaitu hna kha lungvaivuanh lo awkah a bawmh hna lai.

  • A ngaitu hna kong kha ruat. A ngaitu hna tuahsernak le hngalh an duhmi kong he aa pehtlaimi tahchunhnak hna kha thim law hmang. Na hmanmi tahchunhnak ruangah a ngaitu hna an ning a zah nakhnga lo le an thin a hun nakhnga lo i ralring.

  • A biapi bikmi a kong kha cawnpiak. A biapi theng lomi a konglam hna kha si loin a biapimi a konglam hna kha tahchunhnak hmang law cawnpiak. A ngaitu nih tahchunhnak lawng kha si loin mah in a cawn khawhmi a kong hna kha aa cinken nakhnga bawm.