A ummi cazin ah kal

A ummi cazin ah kal

 CAWN DINGMI 14

A Biapimi A Kong Hna Langhternak

A Biapimi A Kong Hna Langhternak

Hebru 8:1

A TAWINAK: Na phungchimnak kha a ngaitu hna nih ṭha tein an ngaih khawh nakhnga bawm hna. A biapimi a konglam pakhat cio cu naa tinhnak le a biatlangpi he zeitindah aa pehtlaih ti kha hngalhter hna.

TUAH KHAWH NING:

  • Tinhnak pakhat ngei. Na phungchimnak cu a konglam pawl hngalhter awkah maw a si asiloah zumhter awkah maw a si asiloah a ngaitu pawl forh awkah maw a si ti kha ṭha tein ruat law mah he aa tlakin chim. A biapimi a konglam dihlak nih naa tinhnak kha a hlawh a tlinter awk a si.

  • Phungchimnak i a biapi bikmi kong kha a hleiin langhter. Phung na chim lioah na chimmi kong he aa pehtlaihmi a biapimi biafang asiloah a sullam aa khatmi a dang biafang hna kha atu le atu chim ṭhan.

  • A biapimi a kong hna kha hngalh a fawimi lam in chim. Na chimmi kong he aa pehtlaimi a biapimi a konglam pawl lawng kha thim. Mah lawngah rikhiahmi caan chungah hmualngei tein na chim khawh lai. A biapimi a konglam hna kha rikhiak. A konglam pakhat cio kha fiang tein chim. A dang kong na chim hlanah chikkhat i din. A konglam kha tluang tein thleng.