A ummi cazin ah kal

A ummi cazin ah kal

Kehlei: 1945, Netherlands, Eindhoven khua ah unaupa pakhat cu phung a chim lioah an tlaih; Orhlei: Na umnak hmun ah upadi nih zalong tein phungchimnak nawl aan pe hna maw?

 DAL 4

Pennak hmuhmi Teinak​—⁠Thawngṭha kha Phung ningin Siternak

Pennak hmuhmi Teinak​—⁠Thawngṭha kha Phung ningin Siternak

 INNKHAT hnu innkhat phungchim nan kal lioah lamhlat in palik mawṭaw aw nan theih. Mah aw cu a thang thluahmah. A changtu inn i phung na chim lioah palik mawṭaw cu nan pawngah a dir, mah tikah na kalṭi hawi nih thinphang ngaiin a zoh. Palik pakhat cu mawṭaw chungin a rak chuak i hitin aan ti hna: “Nanmah pahnih hi innkhat hnu innkhat kal in Baibal kong a chimmi cu nan si maw? Mi tampi nih report an in tuah hna.” Mah tikah Jehovah Tehte nan si kha upat tein na chimh. Mah hnuah zeidah a cang lai?

Mah cu na umnak ram tuanbia cungah tampi aa hngat. Kum tampi chungah nan ram cozah nih Jehovah Tehte Hna kha zeitindah an in pehtlaih hna? Biaknaklei zalonnak tlawmpal an in pe hna maw? An in pek hna ahcun mah cu a luancia kum tampi lioah nan unau pawl nih “thawngṭha kha a hmaan i biatak a si” ti langhter awkah fakpi in an i zuam caah a si kho men. (Fil. 1:7) Khoika i a ummi na si hmanhah Jehovah Tehte Hna nih upadi leiin teinak an hmuhmi kong hlathlainak nih na zumhnak a fehter khawh. Hi dal ah mah hna lakin cinken awk tlak a simi a kong cheukhat kan i ruah hna lai. Mah teinak hna nih Pennak cu a um taktakmi a si ti kha a langhter, zeicahtiah kanmah thilti khawhnak in cun zeitikhmanh ah cu bantuk teinak kan hmuh khawh lai lo caah a si.

IN THIS SECTION

ṬHEN 13

Pennak kong Chimtu hna nih An Tonmi thil kha Biaceihnak Zung ah An Chuahpi

Tuchan biaceihnak zung i biaceihtu cheukhat cu hlanlio Phungbia cawnpiaktu Gamaliel hmuhning an ngei ve.

ṬHEN 14

Pathian Cozah Lawng kha Zumhfek tein Ṭanpinak

Khoikalei hmanh an ṭan lo caah Jehovah Tehte Hna nih an tonmi hremnak “tilian” kha ruahlomi thil nih a dolh.

ṬHEN 15

Zalong tein Biaknak caah Dohnak

Pathian miphun nih Pathian Pennak upadi zulhnak nawl hmuh awkah an doh tawn.