A ummi cazin ah kal

A ummi cazin ah kal

Pennak biakam a tlin lai kha hmuh naa ngaih maw?

 DAL 7

Pennak Biakam​​—⁠Thil Vialte a Thar in Sernak

Pennak Biakam​​—⁠Thil Vialte a Thar in Sernak

 APPLE nganpi pum khat kha na ṭawh i a haw na hnimh. Cun na sei ah na sanh. Suimilam tampi chung rian na ṭuan cang ko nain na baa lo i na ṭuan chap kho rih. Na nu zong na pawngah rian a ṭuan ve i na innchungkhar dang le rian aan bawmmi nan hawile he nuam tein rian an ṭuanṭi i bia an i ruah. Na nu cu na ngakchiat lio i na rak hmuh bantukin a no ṭhan i aa dawh tuk. Chan ṭhalo ah na nu a tar thluahmahmi le a zawtnak ruangah a der thluahmahmi kha na rak hmuh. Hmanung bik a thaw a chuah lioah a kut na rak tlaih i a thlan ah na rak ṭap. Asinain atu ah na nu cu na pawngah a um ṭhan cang. Na nu le midang tampi cu an nung ṭhan i an dam ṭhan cang.

Cu bantuk caan cu a phan cang lai ti kha kan hngalh. Zeicahtiah Pathian biakam cu a tlin zungzal caah a si. Hi dal ah a rauhhlan ah Pennak biakam cheukhat zeitindah a tlin lai i mah nih zeitindah Armageddon raltuknak a chuahter lai timi kong kan i ruah lai. Cun mah hnuah a tling dingmi Pennak biakam cheukhat zong kan i ruah lai. Pathian Pennak nih vawlei pumpi a uk tikah thil vialte a thar in a sermi hmuh cu zeitlukin dah a nuamh lai.

IN THIS SECTION

ṬHEN 21

Pathian Pennak nih a Ral pawl a Tei hna

Armageddon raltuknak caah atu in naa timchung kho.

ṬHEN 22

Pennak nih Vawlei ah Pathian Duhnak a Tlinter

Jehovah biakam cu a tling lai tiah zeicah na zumh khawh?