A ummi cazin ah kal

A ummi cazin ah kal

 ṬHEN 1

Pathian Bia Zeitindah Theih khawh a Si?

Pathian Bia Zeitindah Theih khawh a Si?

Pathian nih Baibal hmangin a kan chawnh. 2 Timote 3:16

A hmaanmi Pathian nih aa tinhmi le a ruahnak kha a thiangmi cauk ah mi a ṭialter hna. Mah cauk cu Baibal a si. Baibal ah Pathian nih hngalhter aan duhmi a biapimi kong a um.

Pathian cu fimnak Hrampi a si caah kan caah zeidah a ṭha bikmi a si ti kha a hngalh. A bia kan ngaih ahcun a fimmi kan si lai.​—Phungthlukbia 1:5.

Pathian nih Baibal kha mi vialte nih rel hna seh ti a duh. Atu ah Baibal cu holh phun tampi in chuah a si cang.

Pathian bia theih na duh ahcun Baibal rel law hngalhthiam awkah i zuam.

 Khuazakip i a ummi hna cu Pathian kong an cawng. Matthai 28:19

Baibal hngalhthiam awkah Jehovah Tehte Hna nih an in bawmh khawh.

Annih nih vawleicung pumpi ah mi kha Pathian kong biatak an cawnpiak hna.

Baibal cawn awkah man pek a hau lo. Cun Jehovah Tehte Hna Biakinn zongah Pathian kong cawn khawh a si.