A ummi cazin ah kal

A ummi cazin ah kal

 ṬHEN 14

Pathian Pennak nih Vawlei Pumpi a Uk Cang Lai

Pathian Pennak nih Vawlei Pumpi a Uk Cang Lai

Ngakchia hna Pennak pakhat kong kan chimh hna lai. Mah Pennak nih vawlei pumpi hi a nuam tukmi Eden dum bantuk ah a canter lai. Mah Pennak cu aho Pennak dah a si? Nan hngal maw?— Pathian Pennak a si.

Ram kip ah siangpahrang pakhat cio an um. Siangpahrang nih a ram chung i a ummi kha a uk hna . A si ah cun Pathian Pennak ah Siangpahrang a ṭuan dingmi cu ahodah a si?— Jesuh Khrih a si. A rauh hlanah vancung in vawleicung i a ummi, mi vialte kha a uk cang hna lai. Jesuh nih vawlei pumpi a uk tikah kan i nuam lai tiah nan ruat maw?—

Nannih tah mah a nuam tukmi vawlei ah zeidah tuah nan duh?

Kan i nuam tuk lai. Vawlei pumpi cu a nuam tukmi Eden dum bantuk a si cang lai. Mah tik ahcun i velhnak le raltuknak zong a um ti lai lo. Pakhat le pakhat an i daw dih cang lai. Zawtnak le thihnak zong a um ti lai lo. Mitcaw nih khua an hmuh lai, hnachet nih khua an theih lai i kebei cu an pet an lam cang lai. Ei awk zong tampi a um cang lai. Saram zong pakhat le pakhat an i seh ti lai lo i kanmah zong a kan seh ti lai lo. Anmah he lente zong kan i celhṭi kho cang lai. Mithi zong an nung ṭhan lai. Rebekah, Rahab, David le Elijah i tel in mah brochure chungah a ummi hna zong an nung ṭhan lai. Anmah he i ton nan duh ko lo maw?—

 Jehovah Pathian nih an dawt hna lengah i lawm hna seh ti zong aan duhpiak hna. Jehovah Pathian kong kha cawng peng u law a bia zong ngai peng u. Cutin nan tuah ahcun a nuam tukmi vawleicung ah zungzal in nan nung kho lai. Nannih tah nun nan duh ve maw?—

BAIBAL AH REL

  • Isaiah 2:4; 11:6-9; 25:8; 33:24; 35:5, 6

  • Johan 5:28, 29; 17:3