A ummi cazin ah kal

A ummi cazin ah kal

 ṬHEN 9

Pumhnak caah Zeitindah Ṭha tein Kan i Timhtuah Khawh?

Pumhnak caah Zeitindah Ṭha tein Kan i Timhtuah Khawh?

Cambodia

Ukraine

Jehovah Tehte pakhat he Baibal nan cawn ahcun nan cawn hngami kong kha naa zohcia ko lai. Cu bantukin pumhnak caah a hlankan in i zohcia cu a ṭha ve. Cutin kan tuah lengmang ahcun ṭhatnak tampi kan hmu lai.

Hlathlainak tuahnak a caan le a hmun kha thim. Zeitik ah dah na lung a luh bik caan a si? Rian na ṭuan hlan zingka te ah maw asiloah na fale an ih hnu zan ah dah? Hlathlainak kha saupi na tuah khawh lo ahcun zei can dah ka tuah lai ti kha biakhiak law, mah caan kha zei hmanh i donhter hlah. A daihnak hmun kha kawl law lung a vaivuanhtermi radio, TV le cell phone kha phit. Hlathlainak na tuah hlan ah thlacam hmasa, mah nih na lungretheihnak kha a zorter lai i Pathian Bia kha lungtak in na zoh khawh lai. —Filipi 4:6, 7.

A phi kha rin law, a phi pek khawh awkah i timlam. Hmasa bikah, a kong kha a huap in hngalh khawh i zuam. A biatlangpi le a biatlangte tete zeitindah aa pehtlaih ti kha ruat, cun hmanthlak le i ruahṭi ṭhan awk biahalnak hna nih a biapi bikmi a kong zeitindah a langhter ti kha ṭha tein ruat. Mah hnuah catlangbu kha rel law biahalnak an ṭialmi a phi kha kawl. Aa ṭialmi Baibal cang kha rel law a kong he zeitindah aa pehtlaih ti kha ruat. (Lamkaltu 17:11) A phi na hmuh tikah a biapi bikmi biafang tete kha i rin law mah nih naa pumh tikah a phi pek khawh awk aan bawmh lai. Cu tikah pumhnak ah na kut na thlir khawh lai i nangmah holh in tawi tein a phi na pek khawh lai.

Zarh fatinte kan cawn hngami kong kha ṭha tein naa zohcia lengmang ahcun Baibal na hngalhnak a karh lai. —Matthai 13:51, 52.

  • Pumhnak ca naa timhtuah tikah zeitindah na tuah khawh?

  • Pumhnak ah a phi pek khawh awkah zeitindah naa timhlamh khawh?