A ummi cazin ah kal

A ummi cazin ah kal

 ṬHEN 13

Hmaikal timi cu Zeidah a Si?

Hmaikal timi cu Zeidah a Si?

Canada

Innkhat hnu inn- khat phungchimnak

Baibal Cawnpiaknak

Baibal hlathlainak

“Hmaikal” timi biafang nih hmun thar a kawltu, midang kal awkah lam a sialtu kha a langhter tawn. Jesuh cu mi ca rianṭuan awk le zungzal nunnak lam awnpiak awkah hi vawlei ah thlah a si caah hmaikal bantuk a rak si. (Matthai 20:28) Tuchan a zultu pawl nih ‘zultu siternak’ rian caah an si khawh chung in an caan an peknak thawngin Jesuh kha an i zohchunh. (Matthai 28:19, 20) Unau cheukhat cu hmaikal tiah kan timi rian ah an i tel kho.

Hmaikal cu caantling in phung a chimmi an si. Jehovah Tehte Hna cu an dihlak in thawngṭha an chim. Asinain, cheukhat cu hmaanhmaan hmaikal an ṭuan i thla fatinte phungchimnak ah suimilam 70 chung an i tel. Cutin tuah awkah, unau tampi cu an pawcawmnak caah rian kha caan cheu in an ṭuan. Cheukhat cu Pennak kong chimtu a herh deuhnak hmun ah special hmaikal ṭuan awkah thlah an si i thla fatinte suimilam 130 asiloah mahnak tamdeuh in an ṭuan. Hmaikal pawl cu an ngeihmi ah an lung a tling, an nunnak ca i a herhmi kha Jehovah nih a kan pek lai tiah an zumh. (Matthai 6:31-33; 1 Timote 6:6-8) Hmaikal rian kha caantling in a ṭuan kho lomi hna cu manhcaan hmaikal an ṭuan i thlakhat ah suimilam 30 asiloah 50 chung phungchimnak ah an i tel.

Hmaikal pawl cu Pathian le mi an dawt hnanak nih an lung a thawhter. Jesuh bantukin mi tampi nih Pathian le aa tinhmi kong hngalh an herh tuk ti kha kan hmuh ve. (Marka 6:34) An caah atu le hmailei ruahchannak a pe khomi hngalhnak kan ngei. Hmaikal pawl cu innpa dawtnak an ngeihmi nih mi sin thawngṭha chimnak ah an caan le an thazaang hman awkah a forh hna. (Matthai 22:39; 1 Thesalon 2:8) Cutin an tuahmi nih an zumhnak a fehter, Pathian he a naihter hna i a lawmhter hna.—Lamkaltu 20:35.

  • Hmaikal cu ahote dah an si?

  • Cheukhat cu hmaikal ṭuan awkah zeinihdah an lung a thawhter hna?