A ummi cazin ah kal

A ummi cazin ah kal

 ṬHEN 28

Kan Website ah Zeidah Zoh Khawh a Si?

Kan Website ah Zeidah Zoh Khawh a Si?

France

Poland

Russia

Jesuh nih a zultu kha hitin a ti hna: “Nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.” (Matthai 5:16) Cutin tuah awkah, Internet ti bantuk chanthar seh thilri hna kha ṭha tein kan hman. Kan website, jw.org ah Jehovah Tehte Hna i kan zumhnak le kan rianṭuannak kong a um. Mah ah zeidah kan hmuh khawh?

Mi nih an hal tawnmi biahalnak a phi, Baibal in lehmi a um. Mi nih an hal tawnmi a biapimi biahalnak cheukhat i a phi kha zoh khawh a si. Tahchunhnak ah, Sifah harnak hi a dong lai maw? timi le Mithi hi an tho ṭhan taktak lai maw? timi cazual kha holh phun 600 leng in online ah rel khawh a si. Cun holh phun 130 leng in lehmi Vawlei Thar Lehnak Baibal le Baibal hlathlainak ca bawmtu thil tampi zong a um. Baibal Cawnpiakmi Taktak Cu Zeidah A Si? timi cauk le nai ah chuahmi Vennak Innsang le I Hlau! zong a um. Mah cauk lakah tamdeuh cu online ah rel khawh le ngaih khawh a si asiloah MP3, PDF le EPUB ti bantuk phun zong in download tuah khawh a si. Biatak hngalh a duhmi kha pek awkah an holh in chuahmi ca kha tlawmpal in na chuah khawh. Kut holh phun tampi in video phel hna kha zoh khawh a si. Naa dinh caan i ngaih awkah drama phun in relmi Baibal tuanbia, Baibal drama le ngaih a nuammi music kha download na tuah khawh.

Jehovah Tehte Hna kong a hmaan ning tein a um. Kan Website ah vawlei pumpi i kan rianṭuannak, Jehovah Tehte Hna nih kan tonmi thil le mi kan bawmh hnanak, hmanung bik thawngpang le a tawinak in piahmi video zong zoh khawh a si. Cun a rauhhlan i tuah laimi civui kong le Bethel zung address zong zoh khawh a si.

Mah thawng in vawleicung kiken i a ummi hna sin zong ah kan ceunak kha kan ceuter. Vawlei pumpi i a ummi, a kik bikmi le a hlat bikmi Antarctica i a ummi hna sin hmanh ah kan ceunak cu a phan. Jehovah sunparnak a langh nakhnga vawleicung dihlak ah ‘Bawipa bia cu khulrang in karh chin lengmang’ ko seh tiah thla kan cam.—2 Thesalon 3:1.

  • jw.org nih mi tampi kha Baibal biatak hngalh awkah zeitindah a bawmh hna?

  • Kan website zoh na duh maw?