A ummi cazin ah kal

A ummi cazin ah kal

Hngalh Chap Awk

Hngalh Chap Awk

Atu an i ruahmi a ṭha tukmi kong hna kha Pa Lian le Sui Sui nih tam deuh in an hngalh khawh nakhnga amah le Par Ku nih lunglawm tein bawmh an duh hna kha Sang Sang nih a chimh hna. Baibal Cawnpiakmi Taktak Cu Zeidah A Si? timi cauk kha a hmuhsak hna.

Pa Lian le Sui Sui nih mah cauk kha an zoh tikah hngalh an rak duh zungzalmi a kong tampi kha a chung ummi hna timi ah an hmuh. Sang Sang nih mah cauk ah hngalh duh awk ngai a simi kong tampi a um tiah a chimh hna. Hitin a chim:

“I ruah hngami kong hna a langhtermi biahalnak in ṭhen khat cio kha a hramthawk a si. Cun ‘Baibal Cawnpiakmi’ tiah biatlang a ngeimi rinli kulh in donghter a si. Mah ah i ruahmi ṭhen i a biapimi kong hna kha a tawinak in le mah kong he aa tlaimi Baibal cang hna kha langhter a si. Mah cauk ah fimnak a pemi hmanthlak tampi aa tel i a konglam hna kha fawi tein rel khawh awk le hngalhthiam khawh awk phun in ṭial a si.”

Mah cauk kha Pa Lian le Sui Sui nih rel lai an i ngaih tuk. Sang Sang nih a chimhmi hna kong vialte cu mang menmen lawng a si lo ti kha an i fian nakhnga an cawn ṭhan ding caan kha an i ngaih. Daihnak le lawmhnak hmuh khawhnak lam an hmuh khawh nakhnga lungtho tein a bawmmi hna Sang Sang le Par Ku cungah Pa Lian le Sui Sui cu an i lawm tuk.