A ummi cazin ah kal

A ummi cazin ah kal

Ka Baibal Tuanbia Cauk

Ka Baibal Tuanbia Cauk
Jesuh nih ngakchia a chawnh hna lio

Hi tuanbia hna nih Pathian nih thil ser hram a thoknak in kanmah chan tiang a cang lengmangmi vawlei tuanbia kha an hngalhter lai. Hmailei ah kan tuahpiak hna lai tiah Pathian nih bia a kammi thil hna kong zong an chimh fawn lai.

Hi cauk nih Baibal cu zeidah a si timi ruahnak an pek lai. Baibal cauk chung i minung hna le an tuahmi thil kong kha a chim leng ah, Pathian nih minung sin ah a pekmi paradis vawlei i zungzal nunnak ruahchannak kong zong a chim ve.

Hi cauk chung ah hin tuanbia 116 a um. Annih cu ṭhen riat ah ṭhen an si. Ṭhen khat cio i hmasa bik cahmai ah khi ṭhen chung i a ummi kong kha a tawinak in ṭial a si. Tuanbia hna cu an rak si nak ning in aa changchang tein ṭial an si. Mah nihcun thil pakhat cu a dang thil hna he aa tlai in, zeitikahdah a rak tlun ti hngalh awkah an bawmh hna lai.

Tuanbia hna cu holh fawi tete in ṭial an si. Ngakchia hna, nanmah tein nan rel khawh ko hna lai. Nannih nu le pa hna zong nih ngakchia hna cu hi tuanbia hna kha atu le atu relpiak an duh ti nan hngalh ve lai. Hi cauk chung ah ngakchia ca he upa ca he a ṭha ngaingaimi kong tampi aa tel ti nan hmuh lai.

Tuanbia kip a donghnak ah a kong ṭialmi Baibal cang hna ṭial an si. Tuanbia pawl kan ṭial tik i kan cherhchanmi Baibal cang hna kha rel chih lengmang awk ah kan in forh ve.

Hi cauk chung i Baibal cang hmanmi hna cu a tawinak in chimmi an si. Ngakchia nih an hngalhthiamnak hnga holh fawitete in ṭial an si. Tuanbia donghnak kip i Baibal cang ṭialmi pawl nih Baibal chung i an umnak hmun a langhter hna.