A ummi cazin ah kal

A ummi cazin ah kal

Tuanbia 115: Vawlei Cung Ah Paradis Thar

Tuanbia 115: Vawlei Cung Ah Paradis Thar

Hi thingkung sangpipi, aa dawh ngaimi pangpar le tlang sangpipi hi zoh hmanh u. An i dawh ngai lo maw? Sazuk pakhat cu ngakchiapa kut chung in rawl a ei lengmangmi hi zoh tuah u. Cun chindeih hna le rangtum hna ramhring lak i an dirmi zong hi zoh hmanh u. Hi bantuk hmun i, inn chung ah um cu nan duh hnga lo maw?

Pathian nih vawlei cung paradis chung ah zungzal in nung hna seh ti an duh hna. Cun nihin i minung nih an in lengmangmi zawtnak le fahnak hmuh cu an duhpiak hna lo. Paradis thar chung ah a nung hnga mi hna sin ah Baibal nih bia a kam mi hna cu: ‘Pathian cu an sin ah a um lai. Thihnak le ṭahnak a um ti lai lo. Thil hlun vialte cu a kal dih cang,’ ti a si.

Hi khuaruahhar thlennak cu Jesuh nih a chuahter lai. Zeitikahdah a si lai nan hngal maw? A si, ṭhatlonak vialte le mi ṭhalo vialte vawlei in a thenh dih hnu ah a si lai. Jesuh vawlei cung i a um lio ah zawtnak phunkip a ngei mi hna kha a damter hna i, mithi hmanh a rak thawhter hna. Pathian pennak siangpahrang a si tik ah vawlei cung dihlak ah a tuah te lai mi hmuhsaknak ah cu hna cu a rak tuahmi a si.

Vawlei i paradis thar chung ahcun zeitluk in dah a nuamh te hnga ruat tuah u! Jesuh nih a thim mi hna he vancung in vawlei kha an uk lai. Hi uktu hna nih vawlei mi vialte kha lunglawmhnak an hmuh nak hnga an zohkhenh hna lai. Pathian nih a paradis thar chung ah zungzal nunnak pel lo in a kan pek nak hnga zeidah kan tuah a herh timi zoh tuah u sih.

Biathlam 21:3, 4; 5:9, 10; 14:1-3.

Paradis hmanthlak


Biahalnak hna

  • Baibal nih vawlei Paradis ah kan hmuh lai mi zei umtuning kong dah a langhter?
  • Paradis ah a um hngami hna ca i Baibal biakamnak cu zeidah a si?
  • Mah a ṭha hringhran mi thil a hung um nakhnga Jesuh nih zeitik caan ah dah a tawlrel lai?
  • Pathian Pennak i Siangpahrang a ṭuan tikah a tuah hnga dingmi kha hmuhsaknak caah Jesuh nih vawlei cung a um lio ah zeidah a rak tuah?
  • Jesuh le a ukṭi hawi hna nih vancung in an uk tikah zeidah ṭha tein an zohkhenh lai?

Biahalnak dang hna

  • Biathlam 5:9, 10 rel.

    Kum thongkhat chung vawlei a uk hnga ding mi pawl cu zawnruahnak le zaangfahnak a ngeimi siangpahrang le tlangbawi an si lai tiah zeicah kan zumh khawh? (Efe. 4:20-24; 1 Pit. 1:7; 3:8; 5:6-10)

  • Biathlam 14:1-3 rel.

    Pa min le Tufa min kha 144,000 hna an cal ah khenh an simi cu zei hmelchunhnak dah a si? (1 Kor. 3:23; 2 Tim. 2:19; Biat. 3:12)