A ummi cazin ah kal

A ummi cazin ah kal

 BIAHALNAK 2

Pathian Kong Zeitindah Cawn Khawh A Si?

Pathian Kong Zeitindah Cawn Khawh A Si?

“Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chun zan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.”

Joshua 1:8

“Cun Pathian phungbia cauk chung khan tliang tein an rel i a sullam kha an chimh hna caah mi zapi nih an relmi cu an hngalh.”

Nehemiah 8:8

“Miṭhalo hna khuakhannak ah aa tel  . .  lomi cu thluachuakmi an si. An i lawmhnak cu BAWIPA nawlbia tu ah khan a si i cu nawlbia cu chunzan in an ruat.  . .  An tuahmi thil kip ah khua awng an tong.”

Salm 1:1-3

“Filip cu a va tli i a relmi cu Isaiah cauk chung bia a si kha a theih i, “Na relmi cu a sullam na hngal maw?” tiah a hal. Cu bawi nih cun a thawh i, “Aho tal nih a sullam chimh lo cun zeitindah ka hngalh khawh hnga,” tiah a ti. Cun Filip kha rangleng cungah hin hung kai law ka sinah ṭhu tuah, tiah a sawm.”

Lamkaltu 8:30, 31

 “Vawlei a ser hramthawk te khan Pathian nih cun hmuh khawh a si lomi a sining kha fiang tein a langhter ko; cucu zungzal in a hmunmi a ṭhawnnak le Pathian a sinak kha an si. Cucu minung nih khan Pathian thil sermi ah hin an hmuh khawh ko hna. Cucaah i silhnalh khawhnak zeihmanh an ngei lo!”

Rom 1:20

“Na ṭhannak kha mi vialte nih an hmuh nakhnga cu thil cu teimak tein tuah lengmang ko hna.”

1 Timote 4:15

“Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih. Pakhat le pakhat hmun khat i i pumh lengmang kha ngol hlah u sih.”

Hebru 10:24, 25

“Fimnak a baumi nan um ahcun, Pathian sinah thla cam sehlaw Pathian nih a pek ko lai; Pathian nih cun ahopaoh kha zaangfah ngai le siang ngai in a pek ko hna.”

Jeim 1:5