A ummi cazin ah kal

A Nuammi Chungkhar Nunnak Zeitindah Hmuh Khawh a Si?

A Nuammi Chungkhar Nunnak Zeitindah Hmuh Khawh a Si?

Zeitindah na ruah . . .

  • dawtnak?

  • tangka?

  • asiloah a dang pakhatkhat in dah?

 BAIBAL CHIMMI

“Pathian bia kha a thei i a ngaimi caah cun zeitluk in dik lunglawmhnak a si chinchin.”—Luka 11:28.

MAH IN ZEI ṬHATNAK DAH NA HMUH KHAWH?

Dawtnak na hmuh khawh. —Efesa 5:28, 29.

Upatnak na hmuh khawh.—Efesa 5:33.

Himnak na hmuh khawh.—Marka 10:6-9.

 BAIBAL CHIMMI HI KAN ZUMH KHAWH

Zumh khawh a sinak a ruang pahnih a um:

  • Pathian cu chungkhar hram a thawktu a si. Jehovah Pathian cu “innchungkhar vialte nih . . . min an i laknak hram” a si tiah Baibal nih a ti. (Efesa 3:14, 15) Phun dang cun innchungkhar hi Pathian nih hram a thawk tinak a si. Zeicah mah timhtuahnak cu a biapit?

    Mah hi ruat hmanh: A thawmi meh kha na ei hnuah mah chungah zeidah an paih ti theih na duh ahcun ahodah na hal lai? Mah meh a chuangtu kha na hal ko lai.

    Cu bantuk in, chungkhar nuamhnak kong kha hngalh na duh ahcun innchungkhar hram a thawktu Jehovah Pathian kha na hal awk a si. —Genesis 2:18-24.

  • Pathian nih an zohkhenh. Chungkhar pawl nih Baibal chung i Jehovah lamhruainak kha an zulh ahcun a ṭha. Zeicah? Pathain nih “an zohkhenh hna” caah a si. (1 Peter 5:6, 7) Jehovah Pathain cu kan ca ṭhatnak a kan duhpiaktu a si i a cawnpiaknak cu zungzal in man a ngei. —Phungthlukbia 3:5, 6; Isaiah 48:17, 18.

 MAH HI RUATHMANH

Zeitindah a ṭhami nulepa, nupi asiloah va na si khawh?

Mah biahalnak i Baibal a phi kha EFESA 5:1, 2 le KOLOSE 3:18-21 ah zoh.