Skip to content

Skip to secondary menu

Phung Mbơh Ma Yêhôva

Bunong

Dơi Rdŭt Ðŏng Nau Rêh Ni?

Dơi Rdŭt Ðŏng Nau Rêh Ni?

Dơi đŏng băl lah . . .

  • Ơ?

  • Mâu?

  • Klăp lah?

 MOH NAU BRAH NDU NGƠI LAH

“Brah Ndu . . . mra jut lĕ dak măt khân păng, jêh ri mâu mra geh nau khĭt ôh, jêh ri mâu mra hôm geh nau klâng ndrê, nau nter, nau ji ôh, yor lah nau ơm rlau lôch jêh.”​—Nau Tâm Mpơl 21:3, 4, Nau Brah Ndu Ngơi Bunong.

MÂM NAU AƠ DƠI KƠL BĂL

Nanê̆ Brah Ndu mâu Ndơm nau tât ma he.​—Yakơ 1:13.

Geh nau bonh leng dôl he gĭt Brah Ndu yô̆ klâng nau rêh ni he.​—Sakari 2:8.

Kâp gân lĕ nau rêh ni mra rdŭt.​—Nau Mprơ Ơm 37:9-11.

 DƠI ÐŎNG HE RNƠM NSING ÐAH NAU BRAH NDU NGƠI LAH?

Ơ, Tâm bar ntil nau geh:

  • Kôranh Brah ji nuih đah nau rêh ni jêh ri nau mâu tâm ban. Mâm Yêhôva Brah Ndu mĭn dôl păng saơ nau rêh ni ma Ƀon lan păng kăl e. Nau Brah Ndu Ngơi lah, păng yô̆ klâng dôl “khân păng nter vơl yor nau phung bu nkrit jêh ri tŭn jot khân păng.”​—Phung Kôranh Phat Dôih 2:18.

    Kôranh Brah ji nuih ngăn đah mbu nơm ƀư mhĭk đah bu êng. Nâm bu ntĭt, Nau Brah Ndu Ngơi lah “ti ƀư pling mham bunuyh mâu geh nau tih ôh.”​—Nau Hôr 6:16, 17.

  • Kôranh Brah mât mơh ăp nơm kon bunuyh. Nau Brah Ndu Ngơi lah, “ăp nơm hŏ gĭt năl jêh nau rêh ni păng.” Yêhôva gĭt đŏng.​—2 Nau Rêh Jêng 6:29, 30.

    Tă bơh Ƀon Bri Hađăch păng, Yêhôva mra rdŭt lĕ nau rêh ni tă bơh ăp nơm kon bunuyh. (Mathiơ 6:9, 10) Dôl he kâp gân, Kôranh Brah mra bonh leng ma mbu nơm joi păng.​—Kan Phung Oh Mon 17:27; 2 Kôrintô 1:3, 4.

 MĬN MA NAU AƠ

Moh yor Kôranh Brah ăn nau rêh ni?

Nau Brah Ndu Ngơi plơ̆ lah tâm nau ôp ta Rôm 5:12 jêh ri 2 Pêtrôs 3:9.