Skip to content

Skip to secondary menu

Phung Mbơh Ma Yêhôva

Bunong

Mâm Băl Mĭn ma Nau Brah Ndu Ngơi?

Mâm Băl Mĭn ma Nau Brah Ndu Ngơi?

Dơi đŏng băl lah aơ jêng . . .

  • sâmƀŭt nkoch bri?

  • sâmƀŭt bơh kon bunuyh?

  • sâmƀŭt dŭt ơm mâu di ma phung he?

 MOH NAU BRAH NDU NGƠI LAH

“Lĕ rngôch nau nchih luh bơh Brah Ndu.”​—2 Timôthê 3:16, Nau Brah Ndu Ngơi Bunong.

MÂM NAU AƠ DƠI KƠL BĂL

Nau ôp khlay ma nau rêh.​—Nau Hôr 2:1-5.

Kơl nau rêh tâm ăp nar.​—Nau Mprơ Ơm 119:105.

Kâp gân ngăn du nar kâl dơ̆.​—Rôm 15:4.

 DƠI ÐŎNG HE RNƠM NSING ÐAH NAU BRAH NDU NGƠI LAH?

Ơ, Tâm pe ntil nau geh:

  • Du ai. Nau Brah Ndu Ngơi hŏ nchih tâm 1,600 năm geh 40 bunuyh êng êng nchih. Lĕ rngôch khân păng ê-hŏ tâm mâp. Jêh ri, tâm lĕ rngôch Sâmƀŭt jêng tâm ban bôk tơm!

  • Bunuyh nchih na nê̆ ngăn. Geh tơ̆ phung nchih sâmƀŭt vay pôn nau mhĭk phung ƀon lan khân păng. Ƀĭa lah, phung nchih Nau Brah Ndu Ngơi mpơl kloh nau tih khân păng nơm nđâp ma nau tih tâm bri dak khân păng.​—2 Nau Rêh Jêng 36:15, 16; Nau Mprơ Ơm 51:1-4.

  • Nau mbơh lor tât ngăn. Nau Brah Ndu Ngơi hŏ mbơh lor jêh tâm 200 năm pa năp ƀon toyh Babilôn ơm mra rai. (Êsai 13:17-22) Mâu knŏng ăn gĭt A-mơm ƀon Babilôn mra rai ƀiă lah ăn gĭt đŏng săk nơm leo bôk!​—Êsai 45:1-3.

    Âk nau mbơh lor tâm Nau Brah Ndu Ngơi hŏ tât ngăn kơt Nau Brah Ndu Ngơi lah. Mâu di hĕ nĕ jêng nau he ŭch tă bơh Nau Brah Ndu Ngơi?​—2 Pêtrôs 1:21.

 MĬN MA NAU AƠ

Mâm nau ngơi Kôranh Brah dơi kơl nau rêh băl?

Nau Brah Ndu Ngơi plơ̆ lah tâm nau ôp ta Êsai 48:17, 18 jêh ri 2 Timôthê 3:16, 17.