PUURURÃ MAUƊE ẼBẼRARÃ
Kawaɗaika chi puuru Camboyaɗebena
CAMBOYA PUURUƊE ãrĩã unubarii de bania ʉ̃rʉ waupeɗaaɗa, nedoɗe wãbadaumare ẽbẽra ãrĩã unubaria, calleɗe mukĩra ãrĩã unubarii ãchi motoɗe cosarã mechia ɓee ataubadau, eterrna, neverarã, jãka ɓee.
Ariabenarã ẽbẽra bia ãrĩã nuree, ãbua nureabadau. Ãchi chiya biʼia unuɗakaumina ãba, nawekau, tío, mamita, jãka ɓee jarabadau jomaurãmaa.
Chi nuree ẽbẽrarã Camboyaɗebenaba chi de waukapeɗaaɗa bania ʉ̃rʉ, chi de wãtorã deseroa ãrĩã ɓee, mauɗe bania ʉ̃rʉ waubadau escuelarã, hospital, tienda mauɗe gasolina nedobʉebadau siɗa
Chi pitahaya jõ, maebʉrã dragonɗebena jõ abadau, ãrĩã unubadau Camboyaɗe
Ẽbẽrarã Camboyaɗebenarãba ãrĩã bustabadau koɗayu ɓeda mauɗe arroz. Ãchi chiko wau ɓuuɗe diwara waukabadau mauɗe sopa chuubadau. Ãchia bustabadau chi chiko kũaa ɓee, tãa kuyaa ɓee, orekea ɓee, maarã joma kobadau ãbua.
Dos mil año basiiɗe, chi ẽbẽrarã Indiaɗebenaba Chinaɗaa nedobʉi baita wãbachiɗauɗe, Camboya oɗe wãɗapeɗa, ãchia seda mauɗe metalna siɗa, kiɗuarã chiko biʼia chuui baitabena, bakuru chi tuwaa ãrĩã ɓee, marfil, nee ome biɗa cambiabachiɗau. Maaɗakare, chi ẽbẽra Chinaɗebena mauɗe Indiaɗebenaba, ãchi religiónturu kawabipeɗaaɗa ẽbẽrarã Camboyaɗebenamaa, chi hinduismo mauɗe budismo abadau. Iɗibae ãrĩã ẽbẽrarã Camboyaɗebena mau religión budismodu kawa nuree.
Chi Jeowa ɗebena Jaranũrẽrãba chi puuru joma jaradeabadau Bibliaɗebena. Ãchia kawabibadau chi karta ¿Qué enseña realmente la Biblia? abadauɗeeba, nauba 250 beɗearã aude baraa, chi Camboya beɗeaɗe biɗa.
1.500 ẽbẽra aude kawamaa duanuu chi Biblia Jeowa ɗebena Jaranũrẽrã baara mauɗe kawasiɗau kãare pasabarii ẽbẽra biuɗakarebena mauɗe Dachi Akõreba kãare ase kʉ̃ria ɓuu chi iujãaɗebena
Chi karta ¿Que enseña realmente la Biblia? abadau, Jeowa ɗebena Jaranũrẽrãba waupeɗaaɗa, mauɗe camboya beɗeaɗe unubadau.
