CHI NABENA TEMA | ¿BICHI DU AƁA BIUI KɄ̃RIA ƁUẼ?
Bichi aiɗaɗai ɓua
“Preocupabudauɗe Dachi Akõremaa jarásturu, ichia machi ochia ua keraabariiɗeeba” (1 PEDRO 5:7).
Biʼiwẽe kuɓuuɗe bichia mʉ biuruubʉrã, ara ɓuu ai ɓua, maka ɓumina bichi aiɗaɗai ɓua.
Chi ʉtaa wiɗii. Ʉtaa wiɗiiruuɗe biʼia sentibaria, maamina mau baitaburuwãebayua. Bariburu bichia ʉtaa wiɗiburuuɗe, Dachi Akõre ome beɗeai ɓua. Ichia bichi ãrĩã kʉ̃risiabaria. Ichia kʉ̃riabarii joma nebʉrʉyua bichia kʉ̃risia kuɓuuɗebena, mauɗeeba chi Bibliaba naka jara ɓuu: “Bichi ekarrare chikʉa aɓa ɓuu Jeowamaa deaba, mauɗe ichia ũkuru aiɗayua” (Salmo 55:22).
Dachi Akõremaa iɗi ʉtaa wiɗiiba. Ʉtaa wiɗiburuuɗe Dachi Akõre trʉ̃ jaras, bichia Dachi Akõre Jeowa ai ɓua, jaraba ariɗe bichia kʉ̃risia kuɓútu (Salmo 62:8). Dachi Akõreba kʉ̃ria ɓuu bichi ichi amiko nibayu (Isaías 55:6; Santiago 2:23). Bichia ʉtaa wiɗii ɓua dapeɗeeɗa, ãsa, kewaraa, ẽsabuɗe biɗa, mauɗe deeɗa ɓuuɗe, trajoɗe, oɗe wãaruuɗe biɗa ʉtaa wiɗii ɓua.
Chi Fundación Americana para la Prevención del Suicidio abadauba naka jara ɓuu: “Ãrĩã du aɓa biusiɗaurã ãchi boroɗe ẽpermo nureeɗeburu biusiɗau mauɗe ãrĩãba aduabasii jãu ẽpermeda bara nuree maebʉrã chi nuree doctornaba biʼia ochiaɗawẽebasii”
Ẽbẽraba dachi kʉ̃ria nuree. Bichi deɗabenarãba, bichi amikorãba ãrĩã kʉ̃ria uniɗau. Ẽbẽra bichi unukau nureerã biɗa kʉ̃ria panuu bichi biʼia nibai baita. Chi Jeowa ɗebena Jaranũrẽba decha jaradeaɗe wãbudauɗe, ẽbẽra ãrĩã nomaa ɓeerã maebʉrã ãrĩã preocupa duanuurã unubadau. Chi nureeba jarasiɗau kawayuswẽa kopanuuɗeeba kʉ̃risiabadau dachi du aɓa biuɗai baita. Chi Jeowa ɗebena Jaranũrẽrãba jaradeaɗe wãbudauɗe ãrĩã aiɗaɗayua ẽbẽrarã naka kʉ̃risia duanuurãmaa, mauɗe Jesusba ase ɓoosii kĩra, ãrĩã kʉ̃riabadau ẽbẽrarã mauɗe bichi siɗa (Juan 13:35).
Chi doctorãba bichi aiɗaɗai ɓua. Ẽbẽra du aɓa biu kʉ̃ria nii ichi boroɗe ẽpermo ɓuuɗeeba jãka kʉ̃risia nia, por ejemplo chi depresión abadau. Bichi ẽpermo niibʉrã, perarã́ba, jãu junebena ẽpermeda dachi kakua deabarii kĩra ɓua. Chi nureeba jarabadau jãu ẽpermeda dachi boroɗe deabarii jari dachimaa oso deabarii kĩra ɓua, barikia niimaa deai ɓua, maka ɓumina jãuɗebena aiɗaɗai ɓua aliviabii baita. a
BICHI BOROƊE ADAUS: Jãu ẽpermeda boroɗe deabarii bichi choɓea mechia nuɓuu eɗa ɓaeruu kĩra ɓua, bichi du aɓara awara wãabai, nesita ɓuu junebenaba aiɗaɗai baita, waya kĩrajʉʉ ɓoi ɓua.
CHA NAU ASEBA: Wãba doctor boroɗe ẽpermeda ochiabariimaa, ichia aiɗayua.
a Bichia ara kapichia kʉ̃risiabarii bichi du aɓa biu baita, naka aseba: iuba, isa wãyua hospitalɗaa, ãchia ãrĩã kuitaa nurea saka aiɗaɗai ɓuu aliviabiɗai baita.
Nau siɗa bustai ɓua buchia
¡DESPERTAD!
¿Bichi du aɓa biui kʉ̃ria ɓuẽ?Chi biʼia ɓuu neeiɗaa iru ɓuu
Biʼiwẽe kuɓuuɗe kʉ̃risiaba chi biʼia uruburuuɗebenaɗe, jãuba aiɗayua kĩrajʉʉ nibai baita.
