Sección 6 ʉ̃rʉbena
Israelitarã Jeowaba chi iujãa deai a ɓuuɗaa neesiɗau, mauɗe ãchi tabernaculoɗaa wãbachiɗau Jeowa kʉ̃riaɗayua. Sacerdoterãba kawabipeɗaaɗa chi Leyɗebena mauɗe chi juezba jaradea uru kopaneeɗa. Kawaɗaika saka ẽbẽraba asebariiba neebii ɓuu ne bia maebʉrã ne kachirua. Israelitarãba kʉ̃risiaɗai basii Jeowaba jaraburuu aseɗai baita mauɗe biʼia ɓuu aseyu junebenarã ome biɗa. Kawabiaba Débora, Noemí, Josué, Ana, Jefté kau, mauɗe Samuel, jãarãba chi biʼia ɓuu asepeɗaaɗa ãchi duanabachiɗaumare. Jaradeaba chi ɓee israelitawẽe nureerã jari Rahab, Rut, Jael mauɗe chi Gabaonɗebenarã kĩraka, naarã israelitarã baara nibaɗeasiɗau, ãchia kuitaa panasiiɗeeba Jeowa ãchi baara nibasii.
NAU PARTEƊE
LECCIÓN 29
Jeowaba jʉrʉ adauɗaa Josuedu
Dachi Akõreba jaraɗa baɗa Josuemaa mauba dachirã siɗa aiɗai ɓua.
LECCIÓN 30
Rahaba merakuaɗa chi mukĩrarã
Chi puuru Jericó aɗu jʉ̃ka koɓooɗa joma ɓaeɗa baɗa, bariara chi de Rahabɗe ara jãma koɓosmina, mara ɓaebaɗa.
LECCIÓN 32
Líder chiwiɗi aɓa nii mauɗe wẽra kĩra ʉɓʉa niɗau ome
Josué biuɗakare, chi israelitarãba junebena dios kʉ̃riapeɗaaɗa. Mauɗéburu Jeowaba idaarabisii israelitarã sufribii baita, maka ɓumina, chi juez Barac, Débora chi profeta, mauɗe Jael chi bakuru kiɗa misua ɓuu baara, maarãba chi israelitarã aiɗasiɗau.
LECCIÓN 33
Rut Noemí ome
Chi pẽdrãa ome niɗau wãsiɗau waya Israelɗaa. Maarãɗebena chi trʉ̃, Rut, trajaɗe wãɗa basii uu nuɓuuɗaa. Aria Boaz unuɗa.
LECCIÓN 34
Gedeonba chi Madianɗebenarã choroaɗa
Chi israelitarãba Jeowamaa wiɗisiɗau ãchi karebabiyua Madianɗebenarãba ãchi ãrĩã sufribisiɗauɗeeba. ¿Saka choroasiɗaa chi soldaorã ɓaʼãra keɗee Gedeonɗeba chi 135.000 soldaorã kĩramaa nureerã?
LECCIÓN 35
Anaba Jeowamaa warr wiɗiɗa
Elcanaba Ana, Peniná ichi warrarã baare uaɗo ɓuu tabernáculo Siloɗebenaɗaa Jeowa kʉ̃riaɗayua. Jãma, Anaba Jeowamaa warr wiɗiɗa. Año baɗakare, Samuel naceɗa baɗa.
LECCIÓN 36
¿ Jefteba kãare deai asaa Jeowamaa?
¿ Jefteba kãare deai asaa? ¿Sakayua maka jarasaa? ¿Kãare asesaa ichi kauba kawasiiɗe chi akõreba deai aɗa baɗa Jeowamaa?
LECCIÓN 37
Jeowa beɗea ɓoosia Samuelmaa
Chi warrarã sacerdote aude mechia nii Eliɗebena, ãchi siɗa sacerdote nibasiɗau tabernaculoɗe. Ãchia Dachi Akõre Ley ũriɗakabachii. Chi kũudrãa nii Samuel abadau diwara ɓoosia, ẽsebuɗaa Jeowa ichimaa beɗea ɓoosia.
LECCIÓN 38
Jeowaba Sansón chaarea nibabisii
Dachi Akõreba Sansón chaarea nibabisia filisteorã ome chĩoyua, maka ɓumina Sansonba jarasiiɗe ichi chõpea ɓooɗa baɗa, chi filisteorãba ichi jidaupeɗaaɗa.
