Jesús nau iujãaɗaa neeɗa baɗa biui baita ẽbẽrarã pekao bara nureerã kakua. Ẽbẽrarã iujãaɗebenaba ichi kĩramaabachiɗaumina, ichi apii Jeowa omeburu nibasia. Jesús ichi biuruuɗaa ne juakayaswẽa nibapeɗa ẽbẽrarã ãrĩã aiɗakuabachii, ãchia kachirua asebudau siɗa, perdona nibabachia. Jeowaba ichi Warr biusiiɗe waya ʉtaa piradrubiɗa baɗa. Maka piradruɗakare, Jesusba ichi discipulorãmaa unubiasia maabae jaradeɗekasii saka biʼia aseyu chi trajo ãchimaa ɓuiɗa baɗa. Bichi warrarã bara niibʉrã, kawabiaba biʼia ãrĩã ɓuu iɗibae biɗa jãka jaradeɗekaɗe wãɗayu.