Jesusba Gobierno ʉtʉ bajãaɗebena ʉ̃rʉbena beɗeabachia. Ichia kawabia ɓoosia ʉtaa wiɗiɗai Dachi Akõre trʉ̃ jomaurãba respetabiɗaiɗebena, ichi Gobierno neebii baita, ichia ase kʉ̃ria ɓuu nau iujãaɗe asebii baita. Bichi warrarã bara niibʉrã, jaradeaba kãare kawaɗai ɓua chi Jesusba ʉtaa wiɗiɗa baɗa ʉ̃rʉbena. Satanasba Jesusmaa kachirua asebi kʉ̃ria ɓoosia, maka ɓumina ũriibasia, bari Jeowadu kʉ̃ria nibapeɗa ũri nibasia. Apostolerã jʉrʉ adausia, ichi omeeba ʉtʉ bajãaɗe gobernaɗai baita. Jesusba ẽbẽrarã aiɗai kʉ̃ria ɓoosia, mauɗéburu ẽperma keɗee alẽtabiabachia, jarrbisia keɗeemaa chiko deɗekasia mauɗe biupeɗaaɗa waya chokaebisia. Makaburu unubiaɗa ichi gobernaburuuɗe jãka asei ɓuu ẽbẽrarã aiɗakua nibai baita.