Invitaɗaima
Reunión Jesús biuɗaɗebena acordaɗayua
Sábado 12 de abril 2025ɗebena
Invitaɗaima ome reunionɗaa wãyua
Discurso Bibliaɗebena kĩrawãrea ɓuu
“¿Chi biawãrabena kawaɗai ɓuẽ?”
Kawaba Jesusba kãare jara ɓoosii chi biawãrabena mauɗe saka mau ʉ̃rʉbena kawaɗai ɓua.
Reunión Jesús biuɗaɗebena acordaɗayua
Jeowa ɗebena Jaranũrẽrã añocha chibʉrʉbadau Jesús biuɗaɗebena acordaɗayua, ara ichia jaraɗa kĩrachaa (Lucas 22:19).
Ẽbẽrarãba naka wiɗibadau
¿Kairã neeɗai ɓua?
Jomaurã neeɗai ɓua. Bichi familia eneei ɓua.
¿Sãabe demoraiba chi reunión?
Chi discurso Bibliaɗebena kĩrawãrea ɓuu media hora bayua. Mau kaaɗe hora aɓaɗeeba ãbua maucha kawaɗayua Biblia ʉ̃rʉbena.
Reunión Jesús biuɗaɗebena acordaɗayua hora aɓa bai ɓuu.
¿Sama baiba chi reunión?
Sama ũriɗe wãi kuitaa chi botón ʉtʉ kuɓuu katus “Chi Reunión Jesús Biuɗaɗebena Acordaɗayua” makawẽebʉrã “Chi Discurso Kĩrawãrea ɓuu”.
Jãu reunionɗaa ũriɗe wãaruubʉrã, ¿mʉa paai ɓuẽ?
Makawẽma.
¿Aria chi nejarra wiɗi ɓuẽ?
Makawẽma. Daiba chi nejarra wiɗiɗakaa (Mateo 10:8).
¿Kãare ropa jʉ̃burua reunionɗaa wãi baita?
Chi ropa barikiaɗeeba wãi ɓumina, dai Jeowa ɗebena Jaranũrẽrã berekabadau ropa biʼia jʉ̃ɗapeɗa, respeto unubii baita chi reunionɗaa wãuriburuuɗe.
¿Kãare asebadaa jãu reunionɗe?
Chi reunión erdaubudauɗe karibadau maabea chi Jeowa ɗebena Jara nibabariiba ʉtaa wiɗibaria. Maaɗakare, discurso Bibliaɗebena jarabadau sakayua biʼia ãrĩã ɓuu Jesús biuɗa baɗa mauɗe jaradeabadau saka Dachi Akõre Cristo omeeba asepeɗaaɗa baɗa dachi aiɗai ɓuu. Acabaaruuɗe, waya kariɗapeɗa mauɗe ʉtaa wiɗibadau.
Aude kawa kʉ̃ria ɓuubʉrã, leas chi artículo “¿Sakayua Jeowa ɗebena Jaranũrẽrãba chi chiko Kobadau Señor acordaɗayua abadau jãu reunión diwara asebadaa waabenarã religión kãyabãra?”.
¿Sakaya aseburua chi Reunión Jesús biuɗaɗebena acordaɗayua?
2025: Sábado, 12 de abril
2026: Jueves, 2 de abril
2027: Lunes, 22 de marzo
Maucha kawayua, naarã video ochiaba:
Akordarruru Jesús Biuɗa ɗebena
Kawaba saka dachia nau reunión ase panuu mauɗe saka Jesús biuɗa baɗaɗeeba uruburuuɗe biʼia nureaɗai ɓua.
Bichia ũribarẽeka Jesús biuɗa baɗa dachi pekao kakuaburu. ¿Chi mukĩra aɓa niidu biusiiba aiɗai ɓubaaka ẽbẽrarã ãrĩãrã?
¿Kãare asebadaa dai reunionɗe?
Ochiais dairã reunionɗe naũ ochiais saka enseñamipanu jama.
Cha nau invitación descargapeɗa mauɗe imprimii ɓua.